سلطة بذنجال مممممممممم





سلام عليكم أخواتي هانا جبت ليكم وصفتي ديال زعلوك ساهلة والمهم بنينة واقتصادية في كل شيءـالوقت،المقادير،الطياب والبوطةـ ههه يالله نبداو باسم الله
في الكسكاس ديال طنجرة الضغط كنوضع 3دنجالات مغسولين ومقشرين شوية وكنفلحهم على الطول 3الفلحات و كل فلحة كنوضع فيها نص فص ثوم ثم كنحط معاهم في الكسكاس 2 مطيشات مغسولين و بقشورهم صاينين ثم كنقفل الكوكوط ونتركهم على البخارلمدة 15 دقيقة .اذا كان بدنجال حجمه كبير ممكن تقصميه على 2 في العرض.






مني كنفتح طنجرة الضغط كنلقى قشرة مطيشة مقلعة وكنحيدها بسهولة ثم كنخوي الكوكط من الماء ديال التبخار





وكنوضع فيها دنجال و مطيشة والمعدنوس مقطع ومعلقة صغيرة عصير الحامض والملح،الكامون،شوية تحميرة و نص كاس زيت العود وكنبقى نحرك حتى كيندمج مكاياخدش مني وقت طويل حيث كيفما شفتوا مافيه حتى قطرة ماء وهكذا كيجي واقف و مشرب وبنييييييييييين.


إوا بصحتكم وراحتكم



موضوع مقدم من منتديات ديزاد (منتدى الحصريات)


©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©