مكرونه البيتزا



بدخل للموضوع على طول

المقادير

مكرونه

لحم مفروم

مكعب ماجي

ملح وبهارات

بصل

جزر مبشور

قشطه

2 ملاعق مايونيز

3 ملاعق جبن سائل

بياله مويه

زيتون شرايح

مشروم شرايح

فلفل اخضر مقطع قطع صغار

جبن بيتزا

الصلصه

طماطم مبشور

معجون طماطم

شويه مويه

كركم وفلفل وشويه زيت

الطريقه ::::

قبل كل شي دخلت عروستي الصغيره معاي المطبخ لان ابوها يبي ينام



سلقت المكرونه مع مكعب الماجي وشويه ملح وزيت

في قدر ثاني اخذت البصل وشوحته لين صار لونه ذهبي



اخذت الجزر المبشور وجطيته ع البصل مع شويه بهارات وملح



اخذت اللحمه وشوحتها مع الزيت والبهارات الملح



سويت الصلصه وتركتها ع النار لين صارت ثقيله شوي



اخذت المكرونه وصفيتها من المويه بعد مانضجت وحطيت عليها البصل والجزر وخلطته زين



وبعد كذا حطيت الجبن والقشطه والمايونيز وبياله المويه وحطيته في طبق بايركس



وفجأأأأأأأأأأأأأأأأأأه ماسمعت الا هذا الصووووووووت



وهنا صارت عندي حوسه

عطيتها بسكويت عشان تاكله وتسكت شوي

رجعت للطبخ

اخذت الصلصه ووزعتها ع الطبق كامل



اخذت الزيتون ووزعته ع الطبق



وكمان المشروم والفلفل وزعته ع الطبق




ووزعت عليه اللحمه



وفي النهايه حطيت جبن البيتزا



ودخلتها شويه الفرن

وطبعا ماصورتها اول ماطلعت من الفرن لاني دخلت اخذ لي دوووش عن ريحة البصل وقت الصلاه وماطلعت الا الطبق في السفره وقريب يخلص

ان شاء الله يعجبكم الطبق
موضوع مقدم من منتديات ديزاد (منتدى الحصريات)


©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©