*★ شاورما بخبز التورتيلااااا+شاورما سريعة+ سمان مشوي *★





يسعد مساكم وصباحكم ..سيدات واآنسات منتدى عزيزتي الغالي

اليوم جايبة لكم كم وصفة انشالله يعجبوكم

الموضوع اهدااااء لكل الصبايا يلي بقسمنا وللبنات يلي بيزورونا من قسم الحمل والولادة والنادي عزيزتي ...




الوصفة الاولى

شاورما مع خبز التورتيلا

شرح طريقة الخبز



ضعي الطحين مع البكم بودر والملح والسكر واخلطيهم

بعدين ضعي الزبدة مع الحليب بالخلاط واضربيهم

بعدها حطي الفلفل والبقدونس لما يصيرواا ناعمين بدون مايختفوا

اعجني فيهم الطحين واتركيهم ليرتاحوا....انا خليتهم حوالي الساعتين


بعد ماترتاح رح تكون بهل الشكل



قسميها دوائر صغيرة وافرديها بالنشابة



حمى مقلاة اوصاجة ..وضعي رغيف من الخبز...



حطيها بصحن وغطيها مشان تصير طرية..

__________________________

الشاورما

قطعي الدجاج شرائح بالطول وتبليها باللبن والبهارات وخليها لتاني يوم

بعدين جيبي قطع دهن ووزعيها بين الدجاج بالصينية

وشغلي الفرن من فوق لما تتحمر الدهنة..بهي الشرح طريقة رح تاخد طعم الشاورما يلي من برا...

بعدين شيليها..وكملي نضج الدجاج بعد اشعال الفرن من تحت




اعملي السندويشات على حسب ذوقك

انا حطيت توم..ومخلل وخس وبطاطا مقلية

حمرتها كمان


















شاورما على السريع


نحتاج الى فطير مشلتت....

دجاج مقطع نقليه مع بصلة ..وفليفلة ..حطي مكعب ماجي

اتركيها لتنضج..بعد ماتبرد حطي ملعقة جبنة سائلة

اعملي الفطير الشلتت بالمقلاة لينضج

ضعي القليل من خلطة رائعة الدجاج..وفوقها جبنة موزريلاااا وسكري الدائرة للنصف

قطعيها وادخليها الفرن لتذوب الجبنة.....رح تطلع اكلة بتشهي كتير ويلي بدها تسمن تكتر منها ههههههههههه

اسفة ماصورت الا الشكل النهائي





طيور السمان المشوية

هي اكلة جدا حلوة وخفيفة

انا زمان كنت اعمل طيور السمان شوربة بس ماكنت احب نكهتها

وجربت هل الوصفة وطلعت ووااوو

جيبي طيور السمان...انقعيهم باللبن مع البصل المطحون والهيل والقرنفل والقرفة...

بعدها شكيهم بالاعواد الخشبية...



غطيهم بالقصدير وحطيهم بالفرن

انا عملت جنبهم خضار سوتيه..

عبارة عن بزالياء وجزر مقليين بالزبدة



صورة الطبق النهائي








ممكن تعملوا شرح طريقة الفحمة على الشاورما او السمان المشوي..

وذلك بان تشعلوا فحمة وتطفوها بزيت وضع بفنجان قهوة..رح يعطيها نكهة لذيذة

انشالله يعجبوكم اطباقي المتواضعة..

وسامحوني على التقصير بالمواضيع

تحياتي لكل من ستنور موضوعي
موضوع مقدم من منتديات ديزاد (منتدى الحصريات)


©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©