كبستى بالصور خطوه خطوه








اول شي راح اقلكم الوجبه لشخصين بس عشان كذا مسويه صدر دجاج انت ممكن تزيدين على كيفك كمية الدجاج بس مقاديري صدر وكاستين رز

تحطين زيت في القدر ومعه عودين قرفه وخمس حبات هيل وملعقه صغيره فلفل اسود حب





لين ما تطلع ريحة البهار

في الطحانه بصله وحده وفصين ثوم ونص حبه فلفل رومي وقشر برتقال انا ما كان عندي
حطيت قشرة يوسف افندي كامله وتنطحن ناعم وبعدين تكشنيهم مع البهار

بعدين تضيفين لهم الدجاج انا حطيت صدر انت حطي الكميه اللي تناسبك وتقلبين الدجاج لين ما يتغير لونه

بعدين تحطين البهارات المطحونه ملعقة حلى لكل من كمون _ كزبره ناشفه_ خولنجان_ فلفل اسود



وتقلبين البهارات مع الدجاج بهذا الشكل



بعدين تحطين مويه حاره ومكعب ماجي وليمون ناشف ونص علبه معجون طماطم وملعقه ملح



طبعا في البدايه النار عاليه خليه يطبخ عشر دقايق وحطي حبه فلفل حار بدون تقطيع بس اغسليها وارميها في القدر وغطيه وخليه لين ما يستوي الدجاج وهذا شكله بعد ما استوى



بعدين ارمي الرز بعد ما اكون مقويه النار اخليه يطبخ شوي واخفض النار اقل درجه


لا صار بذا الشكل حطي فنجان قهوه ماء كادي وخليه يكمل استوى
هذا بعد ما طفيت عنه


وهذا بعد الغرف بس الالوان مو مثل الطبيعه



وبالهنا والشفا
اتمنى انه يعجبكم
موضوع مقدم من منتديات ديزاد (منتدى الحصريات)


©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©