كبسة التونه ع طريقتي



السلام عليكم ورحمة الله

كيفكم اخواتي الطباخات ..

حبيت انزلكم كبسة التونه ع طريقتي وان شاء الله تعجبكم

بصراحه شهيه مره مع الشطه والمخلل والكولا البارده انصحكم تـ جربوها ..

والاحلى من كذا انها سهله وماتاخذ وقت ع النار تنفع وقت الزنقه


نبدأ بسم الله

المقادير رز وتونه ع حسب عائلتك الكميه وبصله متوسطة الحجم وحبة طماطم وثوم ومكعبين ماجي
وبهارات صحيحه عباره عن ورق غار فلفل اسود كمون اعواد قرفه خولنجان
كزبره ناشفه شيبه

وبهارات مطحونه كمون + بهار مشكل جاهز



تحمري البصل في شوية زيت نباتي الين يذبل تحطي البهارات الصحيحه وتقلبي مزبوط
وبعدين تضيفي لها الثوم حطيت خمس فصوصو وقطعتها بالسكين زي حبات الصنوبر



بعد مايشقر البصل وتتحمص البهارات معاه تحطي الرز المغسول بدون نقع
ومعاه البهارات المطحونه وتقللبيهم
الين ماياخذ الرز لون البهارات ونكهتها


تقطعي الطماطم وتضيفيها وتقللبي بالملعقه عشان الرز يتحمص مزبوط السر يكمن هنا خخخخخخخ


لا حظتوا كيف يتغير لونه





صبي المويه وحطي مكعبات الماجي وقوي عليه النار يغلي دقيقه





هدي النار ع الاخر واضغطيه لمدة عشر دقايق او اكثر حسب قدر الضغط عندك


فككي علب التونه حطي لها شوية ملح وبهار


اذا اتاكدتي ان الرز جاهز افتحي الضغط وشوفي اذا نشف الرز حطي التونه وقلبيهم مع بعض سكري النار عليه وغطي القدر مره ثانيه




جهزي سفرتك وبالهناء والعافيه


وهذا شكلها بعد ماجهزت






لا تنسونا من ردودكم الحلوة

اختكم عاشقة القلب الطاهر ام حمودي
موضوع مقدم من منتديات ديزاد (منتدى الحصريات)


©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©