السلام عليكم ورحمه الله و بركاته
يسعد صباحكم و مساكم اخواتي
كتير مننا بيشتكوا من سقوط الملوخيه و انها بتفصل عن الشوربه
و النهارده حكشف لكم عن اسرار عمل الملوخية
و بجد من النهارده مش حتشوفي الحكايه دي تاني
اتفضلوا كده شوفوا صور غدانا النهارده
ملوخية خضراء بالارانب و شوربه خضار و ارز ابيض
اهم حاجه في الملوخية انك تخرطيها بالمخرطة و لااااااااااااازم مخرطة مفيش حاجة تخلى الملوخية جميلة زى المخرطة و الله انا فعلا جربتها
في الخلاط و مش عجبتني نوووووووووووووهائي
تعالوا بقي اقولكم علي سر الشوربه الطعمه :::
حطي فيها طماطم وورق لورا و حبهان و فلفل اسود و ملح و قرن فلفل و بس خلاص ...
في كتير بيقولوا عند طبخ الملوخية ولعدم انفصالها عن الشوربة، ولضمان تماسكها، يتمّ إضافة ملعقة صغيرة من البنّ إليها ...
وانا بقولهم لا و الف لاء
كفايه بس الشوربه تبقي سخنه جدا و يا سلام بقي لو تكون لسه مغليه
و حطي الملوخية في الحلة و ضيفي عليها الشوربه حبه حبه و انتي بتقلبي
اهم حاجه في طشه الملوخيه هي الشهقه بتاعتها هههههههههههههههههههههههههه
اوعي تنسيها
و اتفضلوا بقي شوفوا كل المنيو خطوة بخطوة هنا
و بالهنا و الشفا يارب
دعوة حلوة ليا بقي بالستر و الصحة و الرزق الحلال ان شاء الله
اشوفكم علي خير و في امان الله
رد مع اقتباس
