السلام عليكم ورحمه الله و بركاته
المهم بقي انا مبسوطه بجد
اولادي النهارده عملوا لي مفاجاة و جابوا لي هدايا روووعة
و فرحت كتير لانهم فكروا فيا و ده الاهم عندي و الله
المهم قمت عالمطبخ و عملت شويه حاجات لحبايب قلبي اولادي
و اهمهم بقي كيكة البطاطس بالبيض اللي بيعشقوها
و دي في غايه السهولة مكونات بسيطة و خطوات ابسط
المقادير
4 حبات بطاطس
7 بيضات
بس خلاص
اه و الله بس خلاص يا جماعه هو احيانا بحط عليها جبنه رومي و ممكن كمان زيتون مخلي و مقطع
يعني انتي بقي براحتك و كمان علي حسب اولادك ما يحبوا
الشرح طريقة
انا قطعت البطاطس صوابع رفيعه قوي و حمرتها في الزيت
و بعدها صبيت عليها البيض
و قلبت عالوجهين و هنا بقي ممكن تحطي اي اضافات انتي تحبيها
و ادي الفيديو وفيه خطوات عمل قرص البطاطس بالبيض بالتفصيل الممل
يشهد الله اني بحبكم من قلبي
و لا تنسوني بدعوة حلوة بظهر الغيب يسترها معايا و مع اولادي و يبارك لي فيهم
امين يارب
في امان الله
رد مع اقتباس
