دجاج تندوري مع بوحـــــة









السلام عليــكم ورحمــة الله وبركــاته

اليووم حبيبـــاتي جايبتلكم طبخــة هنديــة رووعــة كل من ذاقــها سأل عن الطريقــة والرجــال انهبلوا عليــها .. يالله يا حريــم !


نبدا بطبختنـــا ...

المقــادير :




دجاج على كيفكم الكمية منزوع الجلد ومغسول بخل وملح وقطعتــه اجزاء متوسطة يعني فصلت كل جزء لوحده

ثوم ناعم - صلصة - كركم - كاري بودرة تكثري منه شوي- فلفل اسود - بهارات مشكله الي تجي مع بعض نفس حقت الكبسة- بودرة الثوم - ملح - بودرة الفراولة للون الاحمر - فلف احمر بودرة حسب الرغبة

بصل مقطع جوانح - فلفل رومي بارد مقطع جوانح ايضا - نص كوب زيت تقريبا وعلى حجم صينيتك عشان ما ينشف الدجاج


الطــريقــة :

بعد ماغسلت الدجاج سويت فيه شقوق بالسكين خفيفة عشان يشرب التتبيله..

دعكته بالثوم لين قال بس ثم ضفت له اثوم البودرة والكركم ودعكته لين صار كل جزء اصفر..


بعدين ضفت كل البهارات الا اللون الاحمر خليته للاخير
اللون تاخذي اقل من الملعقة الصغيرة وتجلسي تضيفي بالتدريج لين يعطيكي اللون المرغوب لا تحطيه دفعه وحده حتى ما يصبغ بزيادة ..



خليها ربع ساعه مغطاة ...

افرشيها بصينية وحطي عايها البصل والفلف البارد المقطعين وصبي عليها الزيت وغطيها بالقصدير ودخليها فرن حار وخليه على درجة حرارة متوسطة..



اتركيها من ساعه الى ساعة وربع تقريبا وشيكي عليها من وقت لاخر


وهذا شكلها النهااائي بعد ما طلعت من الفــرن



قدميـــــــــة مع ارز بالشعيريـــــــــة والسلطة الخضراااء




وبالهنــــــــــــــا والعــــــــــافية




اشكـــركم على زيــارتكم عزيزاتي .. الله لا يحرمني منكــم
موضوع مقدم من منتديات ديزاد (منتدى الحصريات)


©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©