خبز بالفرن .. مع العسل والزبده .. مع البصل .. مع شماليه لايفوووتك



بسم الله الرحمن الرحيم

تعلن الخطوط الشماليه عن اقلاع رحلاتها رقـــــــــــــــــــــــــــــــم

لنصلكم بالسلامه .............
كيفكم حبيبات شماليه يارب بخير وصحه وراحة قلب وبال انشالله ياااااااااااااااااارب...

خبزه بالفرن احد اكلات اهل الجنوب واهل الشمال ايضا ولكن تعددت الطرق والاكل ...

المقادير ..

للعجينه ... (كوب طحين اسمر + كوبين طحين ابيض+ كاسة زيت +ملح+خميره +ماء دافي حسب حاجة العجينه وراح تشوفون بالصور كيف ليونتها تكون اقسى من عجينه الكيك )
بهاراات اختياريه للعجينه وبصراحه مالها طعم بدونها (شمر+حبه سوداء)

ونخليها تخمر ساعه اقله

ندهن صينيه بالزيت ونحط العجينه وندخلها الفرن بالوسط على حراره متوسطه علما باني شغلت الفرن قبل ادخالها على العالي حتى سخن ..وبعد ادخال العجينه بخمس دقايق نخلي النار متوسطه .. ونتابع حتى تتحمر من تحت .. ونرجع نولع عليها من فوق لحد ماتتحمر ..
نطلعها وفور نقطعها نجيب قدر ونحط بصل وشوي زبده ونقلب البصل يادوب دقيقتين على النار وننزله من النار ونحط الخبز المقطع ونضربها بشيء مثل فرادت العجين او ملعقه خشبيه عريضه .. وبعدها نعجنها بيدنا بتكون حاره لكن تحملووو وهذا اللي يطلع طعمها لانك بتفتتينها بيدك ... واختياري تحطين سكر لانه يجنن صراحه جربوه بلقمه وبتحطونه على الباقي متاكده هههههههههههه
ونبقي نصف الخبزه ونقطعها مثل الصور .. ونقدمها مع العسل والزبده وزيت الزيتون لمن لايفضل الزبده ...
وبالعافيه .. فيه ناس تخلط ماسبق مع الخبزه وفيه ناس تحط بصل ولبن كلن واختياره امانه جربوها بنات وادعولي ... بالولد الصالح يارب .....





طبعا استعملت الماء بللت يدي عشان اساوي العجينه ..من فوق



هذا حجم البصل بالتقطيع









هذا لونها من تحت بعد ماقلبتها لعيونكم





وهذي بعد تقطيع الخبز وضعتها فوق البصل بالقدر



هنا خلطناها وضربتها بعصاء خشب حقت الهريس وبعدها عجنتها بيدي وفتتها ...





واحد حطيته ساده مع البصل وصحن ثاني حطيت سكر ..

هنا حطيت الخبزاللي قطعته قطع كبيره النص اللي قلتلكم شيلوه بكيس مغلق عشان يلين




وهنا طريقت التقديم ...




وبالعافيه عليكم يارب ....طبعا بنيتي اكلته مع اللبن .. ياجعله عافيه على بطينها وانا وزوجي مع شاي احمر بالنعناع ..واكلنا لحد التخمه
تمنيت تذوقونه والله تدمنون عليه سواء افطار او عشاء
وللافطار تقدرين تعجنين بالليل وتخلينها بالثلاجه وتستعملينها الصباح ...
موضوع مقدم من منتديات ديزاد (منتدى الحصريات)


©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©