الدجاج المشوي على طريقتي



السلام عليكم ورحمة الله وبركاته...



هاد طبق طيب جدا وزرجي دايما بيطلبو مني ... وسهل كتير

بتحتاجي دجاجة كاملة غير مقطعة او اكثر ... حسب عدد الافراد

نص كوب زيت زيتون

عصير ليمونة

ربع كوب خل

راس ثوم مهروس

بهارات ( كاري ، فلفل اسود ، كزبرة ناشفة ، بهارات مشكلة ، كركم ، قرفة ، ملح

طبعا بتخلطي كل المقادير مع بعض وبتتبلي فيهم الدجاجة

وبتتركيها 6 ساعات ع الاقل

وبعدين بتحمي الفرن وبتحطي الدجاجة بكيس الشوي

وبتحطي معها حبتين بطاطا مقطعة ارباع.... وحبتين بصل بدون تقطيع

وبتخليها الفرن لمدة ساعة ونص على نار هادية

وانا بعمل جنبها رز مبهر

بنقع كاستين رز صنوايت وبحط عليه مكعبين ماجي وبحط عليه باقي الخلطة رائعة اللي تبلنا فيها الدجاجة

وبحمسه بشوية زيت قلي وبضيف عليه شوية بهارات وملح ومي

وبهدي النار تحتيه لحتى يستوي

وبس تستوي الدجاجة بطلعها من الفرن وبحطها على الرز وبزينه بالصنوبر

وبقدمه مع السلطة واللبن

وصحتين وهنا
موضوع مقدم من منتديات ديزاد (منتدى الحصريات)


©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©