طبقي الرئيسي الأوزي والدجاج المشوي بالأعشاب





رح اقدم لكم اليوم طبقي الرئيسي الأوزي






المقادير


دجاجه كامله مقطعه الى اربع قطع
وبازيلا وجزر ولحمه مفرومه رز بسمتي
وماجي وسمن بلدي وبهارات كاري وفلفل اسود
وبهار مشكل وقرفه كله مطحون وزيت عافيه
لشوي الدجاجه استخدمت بصلتين كبار
مقطعين ريش وملعقتين ريحان ناشف
واربع ملاعق مايونيز وملعقتين خل ونص فنجان زيت زيتون
وكاسة ماء وللزينه وعصير ليمونهو لوز وصنوبر





هاي الدجاحه غسلتها ونضفتها وتبلتها باليمون والملح والزيت زيتون والخل لمدة ساعه



وهون عنا اللحمه المفرومه غسلتها وصفيتها وجاهزه للطبخ


وهاي البازيلا والجزر سلقتهم وجهزتهم ما رح ينطبخو كتير حتى يضل لونهم زاهي



وهون عنا 3 كاسات رز بسمتي مغسولين ومنقوعين


وهاي البهارات وخلطة رائعة الدجاج والبصل



وهي خلطة رائعة الدجاج خلطت المقادير المايونيز والليمون والريحان والزيت زيتون والملح وحركتهم


شرح طريقة تحضير الدجاج المشوي بالاعشاب

جبت الدجاجه وحطيتها بالصينيه وحطيت عليها البصل وحطيت
خلطة رائعة المايونيز وفركتها بالخلطه مظبوط وحطيت عليها كاسة مي
وغلفتها بقصدير وحطيتها بالفرن لمدة ساعتين


وهي شكلها قبل ما تدخل الفرن





شرح طريقة تحضير خلطة رائعة الاوزي



هون حطيت اللحمه واعدت احركها لحاله قبل
ما احط زيت وبس نشفت ميتهاحطيت زيت
والبهارات ملعقة كاري صغيره ونص ملعقة
قرفه ونص ملعقه بهار مشكل وباكيت ماجي
يعني مكعبين وبتكون اللحمه استوت



بضيف البازيلا والجزر وبحركهم لمدة 5 دقائق
حتى يتنكهو من البهارات واخر شي بضيف
عليهم ملعقتين سمنه بلديه




شرح طريقة الرز


اكيد كلنا منعرفها انا استخدمت 3 كاسات رز بسمتي وحطيت عليهم 4 كاسات ونص مي وتركتهم يغلو وحطيت ملعقه كبيره ملح وشوية زيت
ونص ملعقه عصفر وبس يستوي بحطو بالصدر وبجيب ملعقين سمنه
بلديه وبلخبطهم مع الرز. السمنه البلديه بتعطي طعم زاكي كتير للأوزي




وبعدين منحط خلطة رائعة الاوزي فوق الرز ومنرتبهم


وهون الدجاج صار جاهز واحنا رح نحطو فوق الرز واذا بتحبو
خلو في الصينيه البصل زاكي بطلع معو



وهي الشكل النهائي للطبخه




هاي سلطة اللبن بالخيار مع الثوم
والنعنع اكيد كلنا منعرفها
كتير زاكيه جمب الاوزي



وان شاء الله ما اكون طولت عليكم وجربوها طبخه كتير زاكيه وصحه وهنا
على قلوبكم كلكم
موضوع مقدم من منتديات ديزاد (منتدى الحصريات)


©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©