تبغي شرح طريقة الكوزي زي حق العزايم تعالي معايا ماإلك إلا مكرونة باشميل



السلام عليكم ورحمة الله وبركاته احبابي الغاليين
اليوم سويت لكم كوزي زي حق العزايم وقلت لازم اصور واوريكم غدانا اليوم وتشاركوني الاكل حياكم
نبدأ سوا
مقادير اللحم وينفع الدجاج
لحم الكميه اللي انت تبغيه انا سويت اكتر اليوم مو شرط دبيحه كامله زي العزايم

حطي عليه علبة لبن زبادي اذا كان اللحم قليل واذا كان كتير حطي اثنين

حطي عليه علبة صلصه كامله

وحطي عليه البهارات التاليه اسمائهم المو جود في الصوره ترى اسمي فيه لاتحطوني انابس حطوه البهارات

حطيهم كلهم على اللحم انا اللحم حطيته في قدر الضغط مايأخذ منك ساعه ويستوي

اثناء مايستوي اللحم حطي في قدر مويه عاديه وورقتين غار وكم حبة هيل وعود صغير من القرفه وملح واسلقي فيه الرز ولمن ينسلق الرز صفيه تماما من المويه وصبي عليه حوالي ملعقتين كبيرتين من الزيت او السمن البري اوزبده اللي تحبيه وبكده خلصنا من الرز

نجي على المكرونة اسلقي مكرونة عاديه وبعدين سوي عليه الصلصه التاليه
قليل من الزيت وعليه ملعقتين من الصلصه ورشه من ملح الليمون وقليل من مرقة اللحم بعد ما يستوي

حطي الصلصه على المكرونة

دحين استوى اللحم
موضوع مقدم من منتديات ديزاد (منتدى الحصريات)


©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©