الكوسا محشي من مطبخ حواء الشام







السلام عليكم أخواتي الغوالي
الحمد لله الذي أطعمنا وسقانا وجعلنا مسلمين
اليوم ياحبيبات قلبي غدانا الكوسا محشي
المقادير
رز ولحمة وبهارات وكوسا وثوم ونعنع للمرقة
نبدأ بقطع رؤوس الكوسا وغسلها وتجهيزها للحفر
والكمية التي أحتاجها من الكوسا هي 4كيلو بالنسبة لعائلتي وكل واحدة حسب حاجتها





ومن ثم نجهز رز صنوايت وننقعه بالماء بينما ننتهي
من حفر الكوسا ونجهز اللحمة إذا كانت مجمدة









وهلأ نبدأ بحفر الكوسا وما بدي وصيكم تأبروا قلبي
مو كل هموم الدنيا تتذكروها وإنتو عم تحفروا الكوسا
ساعتها رح تخسروا نصفهم بالتفكير والتكسير
بس ماشاء الله عليكم مابتسااوها





وهلأ منجهز الحشوة وهي عبارة عن خلط اللحمة مع
الرز المنقوع
بعد غسله وتصفيته من الماء ونبدأ بإضافة البهارات
عدوووا معي
عصفر وكركم وفلفل وبهار وكمون وقرفة وبعد مانخلطهم
ويعطوا للرز لون مصفر نضيف الملح وملعقتين
سمنة سائحة ونحركهم جميعا




وقبل ما نبدأ الحشي لاستغلال الوقت
نضع في طنجرة على الغاز ملعقتين سمنة ونضع رب البندورة
وملعقة صغيرة سكر وملعقة ملح ونحركهم كم تحريكة
ثم نضيف الماء ونتركهم حتى الغليان على نار هادئة بينما ننتهي من الحشي



وبعدها نبدأ بحشي الكوسا ومشوارنا طويل حتى نخلص وحاولي لا تعبي الكوساية كتير يعني مو للآخر




بعدين نضع الماء المغلي فوق الكوسا المصفوفة في طنجرة ومنغطيها وبعد 3دقايق من غليان المرقة مع الكوسا منهدي الغاز لمدة ثلاثة أرباع الساعة




وبعدها منضيف الثوم المدقوق ناعما ومعه النعنع اليابس
ومنغليهم كم غلوة وبعدين منرفع الكوسا من المرقة





وصحتين وهنااااااااااااااااا
موضوع مقدم من منتديات ديزاد (منتدى الحصريات)


©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©