طريقه تمنع انتشار وظهور الشيب



السلام عليكم ورحمة الله وبركاته..
كيفكم ؟
انشالله تكونوا بخير...
اليوم جايبة لكم وصفة سهلة..تقدرين من خلالها تحدين من انتشار الشيب بشعرك اذا كان فيكي بداية شيباات..
وتأخرين من انتشاره او ظهوره اذا ما كان عندك شيب اصلا..لكن من باب الوقاية...لان بعض العرايس يكون بعوايلهم وراثة للشيب المبكر..

زيادة على كذا والنتيجة الفورية اللي راح تطلعون فيها من هذي الوصفة هي :

اللمعــــــــــــــــــــــــــــــة


راح تلاحظين من اول استخداام
بلمعة رهيبة
بشعرك زيادة على ان الوصفة هذي راح تعطي شعرك شي من الحجم..

واسأل مجرب ولا تسأل طبيب..

ودكم تعرفون الوصفة..........؟


المقادير:


ملعقة واحدة فقط مرامية..

5 كاسات موية والافضل تكون صالحة للشرب..
شرح طريقة الاعداد:
سهلــــــــــــــــــــــــــــــــــــــة

توضع المرامية على مقدار الموية وتغلى على النار(انتبهي لا تفور عليكي..خليها على نار عالية واذا بدت بالغلي خلي النارهادية لمدة 3او4 دقايق)وتأكدي انها بتغلي على خفيف..ارفعيها من على النار..

اتركيها تبرد وصفيها:واذا كان الوقت شتاء لا تبرديها كثير علشان تستخدميها دافية على شعرك..


الاستعمال:
خذي اللي يكفيكي لشطف شعرك واحتفظي بالباقي بالثلاجة..واذا كان بارد عليكي بعد اخراجه من الثلاجة تقدري تتركيه فترة قبل استخدامه او تسخنيه على النار او بالمايكروويف..

المهم تروشي عادي واذا تستخدمي بلسم استخدميه وغسليه وخلصي بعدين عصري شعرك على خفيف من الموية اللي فيه..

وشطفي شعرك مع تفريق خصلاته بيدك بموية المرامية..يعني لازم تتأكدي انه وصل لجذور الشعر وجميع خصلاته..

حاولي انك تعصري اطراف شعرك بس وعلى خفيف علشاان يستفيد شعرك من موية المرامية..

ارفعي شعرك بكلبسه او اي مسكة شعر..
واشطفي جسمك بالموية عن اثار المرامية اللي نزلت عليه ..

عن نفسي ما اغسل جسمي بالجل شاور الا في الاخير بعد استخدام المرامية على شعري ورفعه.. ابدأ اغسل جسمي بصابون الجسم او الجل شاور..
رجعي لشعرك ولفيه بفوطة خفيفة لمدة دقيقتين علشاان ما تسحب الفوطة موية المرامية كلها من شعرك..

شيلي الفوطة وسرحيه عادي .. واذا كنتي من مدمني الاستشوار.. شوريه عادي مافي مشكلة..



سهلـــــــــــــــــــــــــــ ــــة..لكن انا حبيت اشرحها لكم بالتفصيل علشاان تكون مفهوومة..
يعني هذرتي الزايدة هي سبب الاطالة..

على العموم اسفين على الاطالة..
منقول من :منتدى........



خليني اشوووف وحده منكم تقراء وماترد
ياويلكم ترى بدعي عليها ان يصير راسها كله ابيض شيييب وماتنفع وصفتي معها
موضوع مقدم من منتديات ديزاد (منتدى الحصريات)


©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©