طريقتي لوقف تساقط شعري في يومين((ماشاء الله))










السلام عليكم ورحمه الله وبركاته...

بسم الله الرحمن الرحيم...


من مبدأ حب لاخيك ماتحب لنفسك

فمن محبتي لكم
وكثير يعاني مثلي

خليني اقولكم اول شي معناتي بالشعر
بالجامعه تعرفون لازم تسريحات 2014 والصبغات وكذا
تخيلو بنات في الترم الواحد يمكن اصبغ مرتين!!!
والله العظيم يمكن سنه ماحطيت شعري نقطه زيت
انشغلت بالحياه الجامعيه مع انه مامعي عذر على الاقل اخر الاسبوع ازيته
وكان شعري قبل كل اربعاء احنيه ويجنن وطويل وكثيير
واللحين
متقف الشعره الوحده متقصفه لعشر
مشهد مرعب خاصه اذا جيت اتروش على طرف شعري من تحت
الا متجمع كميه كبيره من الشعر متساقط
والله ان يبكيت وضاق صدري
الفه ماشوف شعري طااااااااااااااااااااح

حتى جبهتي تخيلو كبرت يتطنزون علي
يقولون يبي لها مساحات السياره من كبرها
لا وصديقتي تضحك تقول
لو تزرعين فيها ثيل نفترش فيها في هالصيف


االخلاصه
صبغات+قلة اهتمام=شعر تعبان ومييييييييييييييييت

..........
وانا ادور بالنت لقيت خلطه الناس منهبلين عليها سويت لها اكثر من
بحث وبالفعل الناس منجنين

اسمها
(خلطة رائعة الهاجرية كول)
جعل ربي يسعدها وين ماتروح ويوفقكك دنيا واخره
ويرزقها برزق من عنده
ويحميها ويحفظها

والله على ماقول شهيد
بس انا استخدمت الخلطه مرتين

وقسم بالله العلي العظيم
ان لاحظت لما خلصت شور مسكت طرف شعري توقعت كالعاده ينزل شعر
بكميات كبير الا والمفاجئه الحمد لله مانزلت وخف التساقط من اول
تجربه


نجي للمقادير...

1 بصلة متوسطه
2 فص ثوم
2 ملاعق سدر مطحون (انا استخدم سدر المدينه)
زيت زيتون+زيت الخروع

الطريقه...
تقطعين البصله اربعه اقسام والفص قسمين
ثم تضعينه بالماء (الماء على حسب طول شعرك يعني شوفي الكميه المناسبه لك ولشعرك)
لما يغلي وتتحول المويه صفرا
تصفين المويه من البصل والثوم
ثم تضعين عليه السدر والزيوت

((بالنسبة للزيوت على حسب طول شعرك انا عني اضع نص فنجال زيت زيتون لانه قوي على الشعر واضع نص فنجال زيت الخروع))

واضيف لهم زيت السمسم <<هذا علشان يخفف من الزيتون

وتحركين الخليط كانه الحناء لايصير ثقيل ولا خفيف وسط

ثم تضعينه على شعرك الاخت الهاجريه تقول تنام به
لا انا ماحب انام بالخلطات فخليها من 3 الى 5 ساعات لاتكثرين
لانه يسبب حكه

وتروشي برقه مو تمعطين بشعرك

ملاحظة...
ترا الخلطه شوي تجفف الشعر لما استخدمتها فبعد غسلك للشعر
حطي حمام زيت للشعر انا استخدم(فاشكول بالثوم والبصل) من فاتيكا

وبعد ماتنشفي راح تلاحظي ماشاء الله تبارك الرحمن
شعرك توقف من التساقط امسكي اطرافه وجري بخفيف راح تلاحظي فرق
كبيييييييييير عن اول

انا تجنبا لجفاف الشعر ادهن شعري بعد التنشيف بشووي من زيت السمسم او زيت الحلو

انا استخدمته مرتين وشفت العجب
لان السدر معروف راح تلاحظي الخصله ثقلت وتقوت
مو نلسمها الا تطير بيدنا

وطبعا الشعور تختلف انا من اول استخدام جابت نتجه معي


تنبيه...
مثل كل خلطه اذا استخدمتيها كل اسبوع مرتين او كل اسوبع مره
اهم شي لاتقطعي فجاه لانه راح يرد اثر عكسي اتركيه بالتدريج

وملاحظه’’
الي تقول ريحه بصل وثوم والله العظيم لا فيه ريحه بصل ولا ثوم
انا توقعت كذا وقلت ببخر البيت وكيف بالدوام
بس ولاريحه بصل ولا ثوم
بس يمكن تشمين كانه ريحه ملوخيه خفيفه د
للمتزوجه تبخر شعرها وباذن الله تروح الريحه


يالله جربوها وادعولي وعطوني رائكم
لاتنسوني من دعواتكم الطيبه
فمان الله

موضوع مقدم من منتديات ديزاد (منتدى الحصريات)


©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©