يمدحون بشرتي وشعري والسبب...



السلام عليكم

شخباركم بنات؟؟
إن شاء الله تكونون بخير
أنا ألحين بقول لكم عن الأشياء إلي أسويها وإلي الحمد لله..يوم إستمريت حصلت على نتيجه حلوه.

1- الأشياء إلي آكلها وإلي أشربها:

1- 7 تمرات.
2- 7 من حبات البركه ( الحبه السوداء).
3- السلطه الخضره.
4- حب الرشاد هذا أنا أحطه في الماي عقب أشربه..لأني ما أحب آكله ..طبعاً لازم قبل ما آكله..أكون منقعته في الماي كم من ساعه.
5- العسل الاسود(دبس قصب السكر) هذا ممتاز يرفع الدم في يوم..أنا أشتري إلي صناعته ه( حلواني إخوان)..تلقونه في الجمعيه.
6- كبسولات زيت السمك شركة سفن سيز علبته زرقه وحبوب الفوليك أسد(قريت عنها في هالمنتدى وشريتها).
7- ماي الحلبه..ألحين بتقولون لي ريحه :06:..لا أنا أشربها كل يوم والحمد لله مافي ريحه..بقول لكم الطريقه وأنا سبق وحطيتها في قسم العنايه بالبشره..تحطوون جدر صغير فيه الماي وعقب ماتشوفون الماي طبخ عدل..على طول شيلوا جدر الماي عن النار وحطوا حبوب الحلبه(لازم تغسلون حبوب الحلبه قبل ماتحطونها في جدرالماي لأن يكوون فيها تراب) وتغطوون الجدر وتخلونها عشر دقايق عقب تصفوون الماي عن الحبوب..في بنات قالوا لي إن هم يشربون ماي الحلبه بس تطلع لهم ريحه تدرون ليش؟؟لأنهم مايشيلون الجدرعن النار..إذا الماي طبخ..هم يحطوون حبوب الحلبه والجدر لين الحين على النار وهاذي الطريقه غلط.
8- المأكولات البحريه كلها مفيده: أنا أحب آكل السمك الروبيان وأم الروبيان..الدجاج واللحم آكلهم بس أحب المأكولات البحريه أكثر.
9- حاولوا تشربون 8 أكواب ماي في اليوم.
10- جنين القمح هذا أنا أشتريه مكيس من الميغامارت..تآخذون ملعقة جنين القمح وتآكلونها مع الروب.
11- إكلوا حبة كيوي كل يوم لأنها غنيه بفيتامين c
12- كل شي أسمر مفيد مثل الخبز الأسمر..الرز الأسمر.
أدري ألحين بتقولوون شلوون هاذي تآكل كل هالأشياء..أنا عودت نفسي..وفي أشياء من إلي كتبتها ما أحبها بس آجبر نفسي عشان يكوون عندي شعر وبشره حلويين.

2- قبل النوم لازم أدلك فروة الراس: تشيلون المخده قبل ما تدلكون عشان يكوون الراس مع مستوى الجسم والدم يوصل للراس وتتغذى الفروه..دلكوا لمدة نص ساعه.

3- بعد ماتتسبحوون صبوا على راسكم ماي صحه(غرشة ماي كبيره) حق الشطفه الأخيره. (( الشامبوات إلي إستخدمتها وندمت إني تركتها وألحين برجع أستخدمها: شامبو العسل وشامبو زيت الزيتون من البدي شوب واايد ناسبوني لأن شعري جاف)).

4- بديت أحط مع الحناء قهوه لاني قريت إن القهوه توقف التساقط..دخلوا على القوقل وكتبوا فوائد و منافع القهوه للشعر(أحني شعري مره في الأسبوع).
5- خصصوا صدقه عن الشعر والجسم ككل.
6- الزيوت أحطها في شعري قبل بس الحين تركتها لأنها سببت لي تساقط..قلت بحط الزيت بس في المناسبات عشان يعطي لمعه زياده حق شعري.



أنا كل إلي قلته لكم أسويه ومستمره عليه على طول إن شاء الله وشعري ثقل وصار حلو وبشرتي زانت بس لأن نفسيتي صايره وااايد تعبانه خلال هالأيام..رد شعري يتساقط من المشاكل إلي جاتني من ناس ظلموني ومن الهموم والإبتلاءات...الله يبعد عندكم كل شر وهم وإبتلاء..ترى هذا الكلام مو منقووول أنا كاتبته وربي شاهد على كل كلمه كتبتها..أنا ما يهمني إنكم تردون المهم إنكم تقروون وتستفيدون..وإن شاء الله شعوركم وبشرتكم تحلوا وتصير مثل ماتتمنون..اللهم آمين


للأمانة منقول للأفادة
اختكم هيما
موضوع مقدم من منتديات ديزاد (منتدى الحصريات)


©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©