بحثث كثبراااا عن الوصفة (جزائرية) الاصلية للمادلين حتى لقيت هدا الموضوع | :
** الحلو اليوم يمكن بعضكم ما يعرفه... هو عبارة عن كيك مشهور بفرنسا باسم "Madeleines"
و كانت تسميته بهذا الاسم على اسم طباخة معروفة...
القوالب المستخدمة للمادلين تكون على شكل أصداف...
طبعاً ممكن نستخدم أي قوالب ثانية، لكن اسمها ما راح يكون مادلين و تصير كيكة عادية
أترككم مع المقادير و الطريقة و طريقة التقديم
نبدأ بسم الله
المقادير: (تكفي 24 حبة)
3 بيضات
نصف كوب سكر
بشر ليمونة كاملة (يفضل ليمون أصفر)
1 كوب طحين
1 ملعقة صغيرة بيكنج باودر
100 غ = إصبع زبدة مذوب و بحرارة الغرفة
1 ملعقة كبيرة عسل
الطريقة:
في البداية، نحمي الفرن على درجة 375 فهرنهايت = 190 مئوية، و ندهن القوالب بالزبدة اللينة...
و بعد كذا انخلوا كمية كبيرة من الطحين فوق القوالب لين تتغطى بالكامل...
بعدين إقلبوا الصواني عشان تتخلصون من كمية الطحين الزايدة...
لازم تتأكدون إنكم دهنتوا الصواني و رشيتوهم بالطحين عدل! لأن هذا النوع من الكيك قابل إنه يلصق بالصينية، و عشان تحافظون على سطح العمل نظيف، افرشوا ورق زبدة عالكاوتنر و بكذا ترجعون تستخدمون كمية الطحين الزايدة...
نترك الصواني على جنب، و نبدا نسوي خليط الكيك...
نخلط البيض و السكر بالخلاط الكهربائي لمدة 3 دقايق، عشان نحصل على خليط نافش و خفيف...
ننخل الطحين و البيكنج باودر و نضيفهم لخليط البيض مع بشر الليمون...
و انتبهوا، في هذي الخطوة ما نخلط بالخلاط!!!
نخلط بملعقة خشب أو السباتولا، و طريقة الخلط من تحت لفوق عشان ما يهبط خليط البيض...
إذا اختفت كمية الطحين، نضيف الزبدة المذوبة مع ملعقة العسل، و نكمل خلط... لا تكثرون تحريك، يعني بس تمتزج المكونات مع بعض ، وقفوا!
الحين نصب مقدار ملعقة كبيرة من الخليط في كل قالب، يعني لازم نعبي 3 أرباع القالب بس! لأنها بتنفش وتعبي القالب، ما نبي نزيد كمية الخليط عشان ما تفيض
نطرق الصينية على الكاونتر مرة أو مرتين، بس عشان نطلع فقاقيع الهوا داخل الخليط...
ندخل الصواني الفرن في الرف الأوسط و لمدة 10 دقايق بالضبط!
و إذا جيتوا تصبون دفعة ثانية، اغسلوا الصواني أول!
و هذا شكلها بعد ما طلعتها...
و هدااا هو تطبيقي
ان شاء الله تجربوه و يلا عجبكم ما تنسوش تدعولي =)
©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©
رد مع اقتباس
