ربي حرمني الحمل وعوضني بتعليمي
السلام عليكم يا صبايا
والله ماني عارفه كيف ابدا بالكلام !!!
انا صبيه صارلي 9 اشهر متزوجه !! وقصتي مع الحمل والدراسه قوتلي ثقتي بربنا !!!
خليني ارجع فيكم شهرين لورا حتى تفهموني منيح
انا optometry student سنه رابعه ,, وطبعا كنت بستنى ايمتى يجي امتحان تلخيص ال 4 سنين لحتى اخد اللقب ,, وما كانت فكرة الحمل ببالي بالمره !!
مع انو زوجي جنني وهو يقلي اعملي فحص خصوبه خلينا نجيب بيبي زغير
الله ما اراد وما صحلي تروح الدكتوره لحتى اعمل فحص هرمونات ( فحص الخصوبه المنزلي ما نفع معي لانه دورتي غير منتظمه ).. المهم ضليت بدراستي وما شاء الله علي !!
في يوم من الايام وفي انتظاري لدورتي دخلت الحمام (اجلكم الله ) ووجدت اثر بسيط لبداية الدوره بس كانت بلون غامق او بني !! قلت عادي ..اهلا وسهلا
عدا اول يوم والتاني والتالت ولسا ما نزل شي!!! انا وقتها بدا الفار يلعب بعبي
قلت معقول اكون حامل؟؟؟ بعد 4 ايام من نزول الدم عملت فحص منزلي وطلع سلبي !!وكانو اطول 4 اييام في حياتي
صرت ادور على اعراض حمل في النت وفي المنتدى وكان عندي بعض الاعراض البسيطه !! وصرت اتخيل واخطط واقوم ممكن الفحص المنزلي خطأ بدي اعمل فحص دم رقمي ...هاد الفحص عفرييييت وببان فيه عالاكيد
عملت الفحص بعد 6 ايام من نزول العلامه البنيه .. وطلع سلبي !! انا هون انهرت
صرت ابكي واتدايقت كتيييير مع العلم انني لسا عروسه جديده وعندي دراسه وانا باخر سنه ولازمني كل التركيز !!
من قراتي لبعض اعراض الحمل شفت غثيان وتعب وهيك اشياء!! قلت ايووووووووووووا ان شاء الله انا رح تصيبني هالاشيا وما رح اقدر ادرس؟؟؟ مستقبلي موقف عهالامتحان!!
خلص يااا رب اذا كان حملي رح يغلت على دراستي يا ربي اعطيني الي بتشوفه مناسب واجللي الحمل شوي !!!
بعد فتره بديت احس باعراض الغثيان وثقل (غصوصي اني بسافر لجامعتي الي في القدس ساعتين ونص في الباص ) وتعبت كتيييييييييييييييير وقلت على الدنيا السلامانا رح بطلق علي لقب ( المرحومه الي ماتت فالباص )
صرت ادعي يا رب تخفف عني واجللي ياها للوقت اليبخلص فيه تعليم وابطل اسافر...لما وصلت القدس مريت على صيدليه وعملت فحص منزلي وطلع ايجابي
فرحت كتيييييييييير ,,, بس رجعت تذكرت اني رح اسافر كمان ساعتين ونص وصرت ابكي بالجامعه
تاني يوم رحت الدكتوره النسائيه وعملتلي سونار وكمان فحوص دم وقالتلي بالاخر .... حملك في القنوات يابطه ,, خطر عليكي واجباري تنزلياجاني شعور فظيع وصرت ابكي وابكي في العياده والدكتوره كانت اسبانيه جات حضنتني وصارت تحكيلي اسباني
( ما فهمت شي حسيت حالي بمسلسل كساندراااااااااااااااااا) بس بنفس الوقت ارتحت اني ما رح اجرب غثيان الباص كمان مره!!
نزل البوبو
وعدا شهرين ودرست كويس وقدمت امتحاني في الجامعه ... ونجحتتتتتتتتت بحمد الله
صليت لربنا وشطرته على تخطيطه لأموري وجد جد لعله خير( بنت عمتي حامل باول شهورها والمسكينه متلي باخر سنه وما نجحت لانه البيبي غلبها )
عسى ان تكرهوا شيئا وهو خيرلكم.. الخيره فيما اختاره الله ونحنا ما منعرف كيف ربنا مسير امورنا
لازم دائما نقول الحمد لله على كل شي .
مممم من بعد امتحاني بدأت مشاعر الامومه وحبي للحبل تجتاحني...... بس برضو ما عملت شي ولا خططت لحمل ولا شي ولا رحت الدكتوره !!!
وصايره مشاكلي تكتر وعم ببكي بدون سبب (حرام زوجي يروح تعبان من الشغل يلاقيني محضرتله الاكل وببكي حد الطنجره !!
( لما صار لقاء مع زوجي بعد النتهاء ارتميت عالارض ... صار عندي انقباضات فظيييعه في الجزء السفلي من البطن عند الرحم) ما راح الوضع الا بعد مأخدت دوا ونمت وقتها من قد ما تعبني الوجع..جسمي انهد !!! والغريب انه ما نزل دم او شي !!! توقعت تكون في كوارث في بطني من شدة الوجع !!!
هل ممكن اكون حامل ام هادا من اعراض الدوره؟؟
موضوع حصري لمنتديات شباب باتنة
رد مع اقتباس
