بما أني غبت بزاف عن قسم الحلويات جزائرية قلي خلي ندير Les crèpes نفيدكم بالوصفة (جزائرية) نتاعي وطرق تقديمها حلوة لان راح نديرها مالحة غدا ان كنا من الاحياء ونوريلكم طرق تقديمها مالحة أيضا في قسم المقبلات جزائرية
بسم الله
أولا المقادير الاساسية للكريب كما يلي :
الكاس لي كيلت بيه 250 مل
-3 بيضات كاملة
- نصف ملعقة ملح
- كأس فرينة
- نصف لتر حليب
- 2 ملاعق كبيرة مارغارين ذائبة
- عصير ليمون حوالي 2 م ص
- 2 ملاعق كبيرة سكر + فاني
((( كي ديريهم مالحين نحي السكر والفاني فقط )))
الطريقة :
اخفقي البيض مع الملح حتى يطلع شوي + المارغارين ذائبة
+الفرينة على مرتين + الليمون واخفقي و ويكون هكذا القوام نتاعو ثقيل
من بعد أضيفي الحليب على 3 مرات واخبطي أنا هنا استعملت fouet
هاذا هو قوامو بعد اضافة الحليب يكون سائل
دورك حطي المقلاة على نار من التعليم المتوسطة خليها تسخن أنا معنديش مقلاة مخصصة للكريب نستعمل دائما هاذ المقلاة لازم تكون متلصقش والحمد لله يجيو ملاح والاهم البنة
متحطيش بزاف من الخليط في المقلاة باش يجيوك خفاف وكي الورقة كي تحطي كمية أحكمي المقبض نتاع المقلاة ودوري حتى تتخطى بالخليط كيما في الصورة
كي تشوفيهم حمارو من الاطراف قلبيهم شوفي كيفاش حومر وخليهم يزيدو يطيبو من الجهة الاخرى ونحيهم من المقلاة وحطيهمفوق منشفة ولازم تخطي عليهم
ها هم طايبين من الجهة الاخرى
هاذو هوما لكريب نتمنى ستفدتو من وصفتي
الان رح نمدلكم طرق تقديمهم حلوين
كريب بمعجون الفراولة والفواكه :
حطي شوي معجون وندهن حبة الكريب ونروليها ونقطعها ونرشقها في الكوردون مع الفاكهة لي تحبي
تارتة الكريب بالشوكولا :
نحط حبة كريب وندهن بالشوكولا ذائبة ستعملت منى مع شوي ماء بعد ما تذوب باش تسيل شوي
ونزيد حبو ثانية وندهن هكذا وحطي كيما تحبي الحبة الاخيرة حطيها على وجهها الاحمر وزينيها كيما تحبي انا خدمت كريمة الشانتيي وحطيت حبات كرز كيما في الصورة
هاهي بعد ما قطعتها هايلة بطبقاتها الرقيقة والشوكولا ذايبة
وهاذي طريقة اخرى سهلة جدا تدهني حبة الكريب بالمعجون لي عندك وطبقيها على 2 ثم على 4 وقدميهم بشكل بسيط مع كريمة الشانتيي ولا كيما تحبي
وهاذو بنفس الطريقة لكن بالشوكولا
وهاذو الاطباق في 3 نتمنى يعجبوكم وتقيموني لأني درتهم على جالكم
©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©
رد مع اقتباس
