كيش البطاطا من المطبخ جزائري الجزائري ممم



ليوم جبتلكم طبق لذييييذ واقتصادي ويصلح كمقبلات جزائرية درتو في رمضان وعاودتو هاذ المرة وصورتو
نوجدو عجينة بغيزي ب 400غ فرينة +200غ سمن مدينة نرملوها بيدينا ونبل بماء باااااااارد وملح طبعا ونخليها ترتاح فالثلاجة



نقشرو البطاطا و نسكرفجوها خشينة ونقلليوها مع ملعقة زيت في مقلات غير لاصقة وللي ماعندهاش تقليها في زيت غزيير



نحط في وعاء 3 بيضات وكوب حليب +ملح+بهار+ملعقة فرينة +رشة خميرة والبطاطا





نحل العجينة انا دارتلي 2بلاطو من التعليم المتوسطين ونثقبها ونحط البطاطا ونرش جبن





ونطيبها فالفور حتى نشوف الحواف حمارو وابتاعدو عن البلاطو
نشالله تجربوها فعلا رائعة وممكن نضيف عليها تون او لحم
واش رايكم





©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©