السشلام على الاحباب
رمضانكم كريم وكل عام وانتم الى الله اقرب
هاذي وصفة (جزائرية) للبريوش هايلة هش وخفيف ومناسب جداا للسحور
الطريقة والمقادير
في صحن عميق حطي 3بيضات + 2كاس حليب دافء + كاس زيت + نصف كاس سكر +3ملاعق صغيرة ملح + ملعقة كبيرة خميرة الخبز + كيس خميرة كيميائية وخلطي جيداا بواسطة شوكة



ثم اضيفي الفرينة بالتدريج ومع الخلط بواسطة ملعقة حتى تتحصلي على عجينة رخوة وتلصق في اليدين



غطيها بكيس نايلون وفوقه قماش وخليها تخمر مليح حوالي ساعة



فشيها بيدك فقط ودخلي فيها الهواء مليح دون العجن وخليها تخمر مرة ثانية



وزيدي الثالثة وزيدي الرابعة
ملاحظة : الخمرة الثانية والثالثة والرابعة تكون سريعة وما تديش الوقت بزااف
بعد الخمرة الرابعة ديري زيت في يديك وشكلي كريات صغيرة اقسمي العجينة على 12
او شكلي كيما تحبي حلزونات او وردات



خليهم يرتاحوا حوالي ساعة يخمروا مليح ثم ادهنيهم ببيضة كاملة + شوية حليب سائل
شوية سكر وذري الجلجلان او السنوج



وطيبيهم في الفرن وحمريهم من فوق وهاهي جاهزة










تحبي تحشيهم بالكريم باتيسيير او المربى او نوتيلا





او تحشيهم قبل ما تطيبيهم بالشكولا





خفيف ولذيذ


انتظر تطبيقاتكن
سلام وصح رمضانكم




©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©