السلام عليكم و رحمة الله و بركاته
و الصلاة و السلام على رسول الله
كيف احوالكم ان شاء الله لاباس
اليوم جبتلكم طريقتي في صنع العسل بالتفصيل الممل و الصور عندي تقريبا 4 سنوات و انا معتمدتها
يجي هايل من ناحية المذاق و ساهل و مايديش الوقت يعني في ظرف دقائق تعمليه
وزيد اقتصادي بحكم العسل لي نشروه غالي شوية و تاني زاكي عليه
المقاديرنحتاجوا
2 كاسرول (طاوة )
2 كيلات سكر عادي (انا كيلت بكأس قازوز)
1 كيلة ماء
عصير الليمون (محافظ على العسل و يمنع تحول العسل الى سكر)
فانيليا و ماء الزهر
الطريقة مشروحة مع الصور
هنا المقادير موجودة كلها


تحطي في كل طاوة كيلة سكر
واحدة منهم تحطي كاس الماء و الثانية حطي 3 ملاعق عصير ليمون











حطي الطاوات فوق النار في نفس الوقت



هنا بداو يغلوا




هنا الاساس و هو لون العسل الي تحبيه انت
يعني بمجرد تحول السكر الى كراميل راح يتغير لونه انت هنا تضبطي اللون الي تحبيه قاتم او فاتح

انا نحبو هكذا لونه يهبل

تهزي هذيك الطاوة الي فيها السيرو و تفرغيه بحذر فوق الكراميل ( حذاري لازم تجبدي روحك شوية و خرجي الاطفال من المطبخ جزائري






حركيه شوية و عطريه بالفانيليا و ماء الزهر
خليه يهز الغلية 5 دقائق و طفي عليه










خليه يبرد و راح تتحصلي على عسل اممممممممم ذوق و لون رائعيييييين و مانحكيلكش على الرائحة الي يديرها في الدار

و هاهو واجد










هدا راهو عاقد بصح نتي كي تحبي تعسلى بيه زديلو ما الزهر
تحبي تعطريه كيما حبيتي عود قرفة ، شرائح ليمون ، نجمة البحر، قرنفل
اذاحبيتي يجيك بذوق العسل الحر زديلو ملعقة منو و راح يولي كانه عسل حر
في الاخير نتمنئ تجربوه خطرش راح تنساو المشري انا جامي نشري من برا حتئ في الاعراس نعمل كمية كبيرة
علابالي راني كثرت الصور بصح على قولة الوهرانية هذا منتدى و فيه مبتدئات
اعطوني رايكم و ما تنساوش دعوة خير بالشفاء لوالديا و صلاح اولادي




©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©