الوصفة (جزائرية) 16


هاذي الوصفة (جزائرية) ماشي نتاعي ، شفت الأخت fyfy_top216 حطت تطبيقها في قسم التطبيقات وقالت أن الموضوع حذف و حطت رابط لمنتدى آخر ، صراحة شفت الوصفة (جزائرية) البارح مساء ضربتلي في راسي حفظت الوصفة (جزائرية) و طبقتها للعشاء مباشرة (طبعا كيما العادة والعوايد بدلت في الوصفة (جزائرية) حسب ذوقي الخاص في الطهي) .
كي حطيت العشاء ، اللي يذوق ملعقة أو 2 يحبس ويقلي هاذي المرة راهو بنين و مختلف على العادة واش درتيلو وأنا الصراحة راني أول مرة ندير الأرز في الفرن ( راني متبهدلة بصح كيما تقول الحكمة : هناك دائما مرة أولى ) ، كي شفتو جاب سوكسي قلت نحط الصور باش تستفادو من الوصفة (جزائرية) وتبقى في المنتدى للأخوات اللي حابين يجربوها .

المكونات :
* رطل أرز مفور وليس العادي وإذا عندك أرز بسمتي أحسن ( أنا استعملت ماركة La Belle )
* قطع لحم أو دجاج حسب أفراد الأسرة
* شوية زبدة
* شوية زيت
* 4 فصوص ثوم
* 1 حبة بصلة
* شوية جلبانة حوالي 1/2 كاس ( ما كانش في الوصفة (جزائرية) الأصلية )
* 3 حبات جزر كبار ( ما كانش في الوصفة (جزائرية) الأصلية )
* طماطم مصبرة ( حوالي 2 - 2.5 ملاعق كبار معمرين مليح عينك ميزانك )
* هريسة ( أعتقد ما كانش في الوصفة (جزائرية) الأصلية )
* رند ( استعملت 3+2 ورقات )
* توابل : أفاح نتاع تونس + فلفل أسود + كسبر ( كثرت ) + حبة حلاوة ( ما كانش في الوصفة (جزائرية) الأصلية ) + ملح والوصفة (جزائرية) الأصلية زايد فيها كمون و زنجبيل بصح أنا ما حطيتهمش
* 1 ماجي باش الصلصة تخثار وماجيش مايهة

الطريقة :

1- نغسل الأرز ونصفيه ونحطو يفور ونغطيه بغطاء الكسكاس

2- نقلي البصل و الثوم واللحم في الزيت

3- نضيف الطماطم المصبرة و الهريسة والتوابل و 3 ورقات رند ونقلي شوية برك

4- نضيف الجزر و الجلبانة ونقلي 5د

5- نمرق 2 مرات الأولى بنص كاس ماء بين كل مرة ومرة 5د ثم المرة 3 و 4 بالكاس بين كل مرة ومرة 10د ثم بالزوج كيسان بيناتهم 15د يعني حتى يغلي المرق باش نزيد نمرق حتى نتحصل على كمية المرق المناسبة ، لازم نمرق غير بالشوية باش جي بنينة هذا من أسرار الطبخ جزائري طبعا للمبتدئات .



6- بعد ما تغلي نرمي 1 ماجي ونغلق الكوكوط حوالي 30-40د حتى يطيب اللحم والخضر .
7- ننزع الأرز من الكسكاس و نضيفلو قطعة زبدة مليحة ( حوالي 3 ملاعق كبار ) ونحرك حتى تذوب فيه

8- نحط الأرز في إناء الفرن ونحط معاه 2 ورقات رند جدد ماشي هاذوك اللي طابو في لاصوص ( هاذي الإضافة نتاعي )
9- نسقيه بالمرق حتى يتغطى مليح ( أنا احتفظت بمقدار كاس نتاع صوص للي يحب المرق ) و نغطي الإناء ( أنا استعملت كيس شواء حليتو على 2 بالمقص ) وغطيت بيه إناء الفرن ( هاذي إضافة من عندي باش ماينشفش الأرز بسرعة )

10- ندخلوه للفرن ينضج و مانغفلوش عليه، لما نذوق الأرز ونلقاه طاب ننزع الغطاء و نخليه ينشف
11- كل 2-3د نحرك الأرز من أسفل إلى أعلى باش ينشف مليح
12- كي ينشف نخرجوه من الفرن و نقدموه مع الخضر و اللحم


أتمنى اللي ماجربوش يجربو راهو بنة خطيرة يجي يذرى وكل حبة مفصولة وحدها و خفيف مممممممممممم والله كليت 2 صحون ههههههههه

طلب صغير برك : دعوة في صلاة بالزوج الصالح

قبلاتي




©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©