خلطة استعملتها للحبوب اعطتني نضارة(طبيعي)



السلام عليكم ورحمة الله وبركاتو

كيفكم يا احلى سيدات
يا ربي تكونو كلكم بخير
اليوم جايبتلكم خلطة روووعة وتجربتي الشخصية (لانو عمري ما حطيت خلطة الا لما اجربها انا ) والي اسبوع بستعملها
على فكرة انا كنت مستعمليتها لانو في كمن حبة بوجهي وهسة الحمد لله راحت الحبوب
بس والله هالخلطة فادتني كثييييير نورتلي وجهي وصار نضر على طووول احكو( ما شاء الله)
الخلطة عبارة عن :
ملعقة عسل
ملعقة كركم (انا استعملت كركم الاكل لانو ما عندي كركم الجسم وعلى فكرة نفس الشي بس كركم الاكل حاطين علية بهارات ثانية)
وملعقة نشا
وتحطي عليهم شي يخليهم سائل انا حطيت برتقال لانو الليمون يعملي حساسية
انا بستعمل هاي الخلطة يوميا وكل ثلاث ايام بعمل تقشير للبشرة اباضافة ملعقة قهوة
صراحة هاي الخلطة بتغلب شوي بالتظيف بس نتيجتها بتنسيكي الغلبة
طبعا هاي طريقة تنظيفها
تغسلي وجهك بمي وبعدين تجيبي صابون ترغيها على وجهك وتبعدي عن عنيكي وتخليها كمن دقيقة وتغسلي منييييييح
بصراحة بس لاتضحكو علي لما اغسلها بيضل اثر خفيييييف بيعطي لون حلو لبشرتي بحط شوية بلشر برونزي مع مسكارا بيطلع حلو كثير (احكو كمان مرة ماشاء الله)
عنجد اول مرة اقتنع انو الطبيعي بيعطي نتائج بسرعة مع هالخلطة
بالتوفيق يا رب
لا تحرموني من دعواتكم
موضوع مقدم من منتديات ديزاد (منتدى الحصريات)


©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©