موضوع مقدم من منتديات ديزاد
منتديات ديزاد باتنة


كان ودك بس تفهم فلسفة شعري تعال
وش يسمون إنحراف المركبة ذات اليمين؟؟

قال: مالت. قلت: مالت عليك من الخبال
مافهمت اللي نويته ..يالخبل منتب فطين

اضغط انتر في جهازك... ينكتب لك حرف .د
حط ..ل.. وحط ..خ.. واضغط انتر مرتين

يطلع اسمك الكتروني دلخ أقرب إحتمال
كان تسمع بالذهانة يالغبي طحت بكمين

كل هذا ما هجيتك هو مجرد إرتجال
وكان دوَّخك إرتجالي يمدحون الإسبرين

لو جمعت جيوش شعري كان سويت إحتلال
بس ما ودي أغامر ... حشمةٍ للحاضرين

بس يا ويلك لو إني واصلٍ للإنفعال
كان هالصدر الشمالي... ضاق بالمتواجدين

تدري أن أكبر حماقة لا توهمت بالخيال
زي من يزرع بطاطة بين ورد الياسمين

يعني اسكت ... لا تفلسف .. دام باقي لك مجال
يمكن... أحياناً ... يكون الصمت رحمة والدين

الرجولة للصغير رمزها.. لبس (( العقال ))





والكبير اللي جهلها قال.. فتل (( الشاربين ))

الرجل يلبس قلااده .. ويتغنج ...إنحلال
وقصة البنت لشعرها... عادة المستخوجين

والسذاجة, والسماجة,أسئلة داخل سؤال
من حدود البرتقالة لين توصل بابا فين


م ن ق و ل هـ

موضوع مقدم من منتديات ديزاد
منتديات ديزاد باتنة




©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©