مجموعة ماسكات تحفة و مجربة



مجموعة من مسكات

اول ماسك :
معلقة دقيق ابيض ومعلقة زيت زيتون ومعلقة حليب سايل ونص لمونة ويتم فردة على الوجة والرقبة لمدة 20 دقيقة وبعدين نشطفة بالماء الدافى ثم البارد

الماسك الثانى :
برغم انة بسيط جدا الا انة نتيجتة تحفة جدا معلقتين حليب بودرة اى نوع ومعلقتين حليب سايل نخلطهم كويس ونفردة على الوجة والرقبة نصف ساعة ونغسلة بالماء الافى ثم البارد

الماسك الثالت :
نصف علبة زبادى بايت وندوب فية قرص اسبرين بعد طحنة الماسك بيستخدم فى اكبر مراكز التجميل نفردة نصف ساعة ونشطفة بنفس الطرق السابقة

الماسك الرابع :
معلقة بودرة جونسون لاطفال ومعلقة مية ورد ومعلقة حليب الماسك دة غير انة بيبيض كمان بينور وينعم وبيدى ريحة تحفة ونفردة نصف ساعة ونشطفة بنفس الطريقة

الماسك الخامس :
بطاطس مسلوقة بقشرها ونص كوب حليب ونضربهم كويس فى الخلاط ويفرد على الوجة بالاضافة لمنطقة تحت العين تحفة بيبيضها والباقى بيتحط فى التلاجة عادى ويشطف بنفس الطريقة

الماسك السادس :
نص خيارة مبشورة وناخد عصيرها ونص عصير لمونة و2 معلقة دقيق ابيض ويفرد ويشطف بنفس الطريقة

الماسك السابع :
معلقة نشا ومعلقة زبادى بايت ونص عصير لمونة ونص معلقة زيت زيتون ونحطة 20 دقيقة ونشطفة بنفس الطريقة

الماسك الثامن :
معلقة دقيق ومعلقة نشا ومعلقة مية ورد ومعلقة زيت زيتون ومعلقة حليب ونص لمونة الماسك نصف ساعة ونشطفة بنفس الطريقة

الماسك التاسع :
خيارة ومعلقتين نشا ونص كوب مية ورد ونضربة فى الخلاط ونفردة على الوجة والرقبة نصف ساعة ونشطفة بنفس الطريقة

الماسك العاشر :
3ملاعق لوز مطحون نجيب اللوز وننقعة لغاية ماالقشرة تتحاش ونسيبة ينشف وبعدين نطحنة ونعجنة بحليب ونحطة نصف ساعة وبعدين نشطفة بنفس الطريقة اتمنى تروقكم
موضوع مقدم من منتديات ديزاد (منتدى الحصريات)


©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©