تحياتي غالياتي وان شاء الله تكونو بخير ويوم سعيد ان شاء الله للجميع


دائما في اطار طرقي السهلة والبسيطة في عمل اشياء جميلة احم احم
هاكم وصفة (جزائرية) معجون البرقوق كما نقول له عندنا والمشماش في مناطق اخري
رطل برقوق نضفيه واقسميه علي اثنين طبعا نحيلو النواة انتاعو
ضيفيلو 400سكر


حركيه وخليه علي الاقل 12ساعة
ها هو شكله بعد هدا الوقت تلقيه طلق الماء انتاعو


نحي حبات البرقوق وحطي الماء الي ساح منو علي النار تكون من التعليم المتوسطة


خليه يغلي حتي تشوفيه بدا يخثار ارمي حبات البرقوق وخليه علي نار هادئة شوية من 7الي 10دقائق طبعا عينك ميزانك
ارمي فيه عود قرفة وطفي النار

خليه يبرد ونحيه عود القوفة اللي راح يعطيك نكهة رائعة للمعجون لكن علي خفيف
وهاهو المعجون


نهار الصيف راه طويل والخيرات الحمد لله موجودة والبرقوق راه ب10الاف الكيلو متعو اولادكم
وكي جيك ضيف علي غفلة حطيه مع القهوة وشوية قاطو راح يزيد النص في المائدة انتاعك هدا راه مثل عندنا
كيما تفهمنا ادا عجبكم دعيوة خير حتي في قلوبكم تكفيني حبيباتي





©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©