راني جبتلكم وصفة (جزائرية) تاع الكروكي اعطتهالي صديقة لي ربي يحفظها ان شاء الله
جربوها راهي ناجحة باذن الله ,ومانحكيلكمش البنة ممممممممم خاصة مع القهوة
المقادير:
3بيض,كاس سكر,نصف كاس زبدة ذائبة+نصف الباقي زيت حتى يفيض (ان شاء الله تكونو فهمتوني واللي مافهمتش تقولي.. ربي يحفظكم )
قشور ليمون,ملعقة صغيرة فانيليا,كاس كاوكاو محمص وارحيه لازم يكون concassée ,نصف كاس مايزينة او نشاء,خميرة كيميائية(2 ساشيات)
فرينة.
نضرب السكر والبيض و الفانيليا مليح





من بعد نزيد الزيت مع الزبدة انا ماصورتش هذه المرحلة


النشاء



نزيد قشور الليمون مع كاوكاو



تاخذي شوية فرينة وضيفيلها الخميرة وتزيديه مع المزيج ومن بعد تكملي ضيفي الفرينة حتى تشكلي عجينة تتحكمي فيها ماتكونطرية بزاف ما يابسة

ديريهم على شكل حرابيش تدهنيهم بصفار البيض ودردي عليهم لوز مورق و شوية سكر



طيبيهم حتى ياخذو لون شباب

خرجيهم من الفرن وقطعيهم و عاودي رجعيهم الفرن ياخذو لون شباب من الجهتين

هذا الكروكي كلمة روعة قليلة عليه صدقوني







تقدرو تحمروه اكثر اذا حبيتو




©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©