نقدملكم اليوم حلوى رائعة جربوها وردو ليا لخبار انا نعتمد عليها بكل منساباتي

مقادير العجينة
350 غ فرينة
175 غ زبدة طرية
حبة بيض
كاس اتاي سكر
نطموها بشوية حليب ونبسطوها بصينية مدهونة بالزبدة ونتقبوها يالشوكة وندخلوها فرن تطيب شوية برك ربع ساعة


نحضرولها الطبقة الثانية ولي مقاديرها كالتالي
450غ كاوكاو بقشورو مقلي ومطحون نضيفولو 225 غ سكر و4 حبات بيض و150غ زبدة دائبة ونخلطو مليح ونضيفو 6 ملاعق كبيرة مربى المشمش

نطلعو العجينة لي طيبناها نص طياب ونفرش فوقها العجينة التانية ونرجعها للفرن حتى يتم النضج
فهاد المرحلة خلصنا طبخ جزائري هاد القاطو

نروحو نطيبو باطة نيسلي في كوكوط اكتر من ساعة حتى تصير كرامييل
نفرشوها فوق القاطو بتبقي هاد الطبقة الثالتة وفي الاخير نطلي القاطو كلو بالشكلاطة مدابة واللوز ايفيلي او كوكاو
جربوه والله ما تندمو لديد جدا

استعمال صينية دائرية او مستطيلة ويمكن نقطعوه مربعات ونحطوه في كيسات بيبقي حلوى تقليدية


ملاحضة يمكن استبدال كوكاو بقشورو لي فالعجينة التانية ب لوز بقشولرو او جوز او بندق
وسلامييييي

<legend>الصور المرفقة</legend>
81274069_o.jpg&rlm; (11.1 كيلوبايت, المشاهدات 530)



©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©