محتاره انا الظالمه او المظلومه



انا متزوجه من ولد عمي خطبني من انا صغيره ويحبني كثير بس اتوقع داحين مايحبني زي اوال من كثر المشاكل معاه طوال الوقت مجادل وانا ماعرف ادلع مره ادا ادلعت يفكرني ابغا شي اصلن انا احبه كانه اخوي متربيه معاهم ماتعامل معاه علا انو زوجي ولا انضر فيه نضرت الزوجه لي زوجها انضرله علا انه ولد عمي لا كن هو دايم يعصب علي عشان افتش جوالاته ادا نام افكر في عقلي انه يكلم بنات او يراسلهم بي الواتس كرهت الواتس بس افتشه ومالقي شي وازعل اقول في خاطري اكيد يمسح ياغبيه ولمن يقوم الصبح يكتشف اني فتشت جواله وتعالو شفوووو علا المخانقات ويقولي انا مالي في الكلام هدا بس في يوم بتندمين بتخليني صح اكلم وانا والله اني حبوبه واجتماعيه كل عيايلتي ادا اتجمعو وادا ماجيت يفقدوني مره مره يعني العب مع البزارين واتريق مع الكبار واضحك مع خالتي وامزح مع الشغالات يعني فلاويه بس ادا جيت امزح معاه مايتقابل مني زيهم ويقولي اعقلي مع انه زمان حتا اونو يلعب معاي ويطردني في البيت فجاه لقيته يقولي خلاص كبرتي بطلي لعب لا تسوين كدا لا تحطين كداا احسه سار سلبي مو زي اول وبعد فتره فتح جواله في اليل وهو نايم لقيت عنده برنامج ماعرف اسمه في الايفون تعارف ودردشه ولقيت يدردش مع واحده بس مو معروف هي مين هي والد ولا بنت يعني شات وهو نايم قعدت اصرخ عليه واهدد زي الجنونه واسب واصرخ وقام يهديني ويقولي مالك داعي تزعلين انا توني محمل البرنامج والي ادردشه معاه امكن ولد موبنت عاد انا قعدت اصرخ واقولا لا بالله امانه وتكتبلها حبي وينك ردي وحشتني وكلام زي كدا عاد هو مسح البرنامج وبعد يومين قام يعتدر بس انا طنشته وقلتله ابغا اطلق منك واسبه وبعدين قام يبرر بكل وقاحه اني انا السبب كثر شكي فيه خلها يحط البرنامج وبعدين بعد فتره حنيت من كتر اعتذاراته وعشني احبه بس مره الموقف قاعد في بالي مو راضيه انساه ووادا زعق علي اتذكر انو لعب علي وخاني واعصب واغضب غضب شديد لي درجات انه يقوم يسب ويقولي انتي مريضه الله يشفيكي وجن جنوني من هدا الكلام حقه ودي اذيه اذيه شديده بس لو يقولي كلمه حلوه وحضن انسا ودي بعيوني افديه من جد نفسيتي مره تعبت احسني تعبت طول الوقت افكر انه راح يتركني او يتزوج علي خاصتن اني مريت بي مواقف صعبه لمن امي وابوي بينهم مشاكل كثيره اخر شي انفصلوووو الله يخليكم سعدوني الي تساعدني ادعيلها في حرم المدينه والله اني لمن اروح الحرم ادعي ان ربي يهدي نفسي بس لمن اجي عنده نجلس كانا ضيوف ماعرف اتدلع ماعرف شي وهو ماسك الجوال ولا يقلب في الدش في التلفزيون واذا يبغا شي تعالي شوفي الكلام الحلووو يعني واذا خلاص صكي الباب ابغا انام وشيلي العيال لا يزعجونيودي لا نام اطخه بي شي في راسه اقضي عليه ولا اذا تكلمت معاه مايرد يقول مافحالي اتكلم ولا يقول طفشان زهقان واذا دق جواله يرد ويهرج ويضحك ياهلا وينك ولا كانه الي كان اول جالس قدامي طفشان وكائيب ساعدوني تكفون وانا مشكلتي احببببه ساعدوني ابغا اسمع رايكم ونصايحكم واش اساوي اعتبروني اختكم وانا غلطانه ولا لا


موضوع حصري لمنتديات شباب باتنة