موضوع مقدم من منتديات ديزاد
منتديات ديزاد باتنة



طوّل الليل .. ودموع السهارى / قصيد
يكتب الحزن ولا الحزن من يكتبه ..؟

مرتمي .. والأرق زفره ودمعه وقيد
وانت طيف يعبّ التيه بي .. وأشربه

شاعرك لو تشوفه ب الملامح .. سعيد
داخله / .. لو تشوف الحزن به تندبه

شاعرك في وداعك عمره أصبح جليد
شوف .. تلويحتك بين النظر وهدبه

إن لمحته على زحمة ضيوفه / وحيد





وان سألته وش العالم ؟ يقول اتربه !

رتّب البعد فيني .. قبل ترحل بعيد ..
[ فوضوية احاسيسي ] .. ترى متعبه

علم طعونك النجلا : تخف .. وتحيد
سلم البعد ل البعد .. ولقاي اطلبه ..

قلت لك قبل هذا البعد .. وش تستفيد
قلت لك : دمعة الرجال .... ب تعذّبه !

خابر اني .. قبل ليل المفارق شديد
لكن البعد : عمر .. ماقدرت أحسبه ..

وان وحشتك وشوقك في فوادك يزيد
ناظر الليل .. لي ب الليل هذا شبه !

وان سألت القصايد : ليه حزنك مديد ؟
شاعرك داخلي .. هذا المسا أنجبه ..

لي مع الليل خوة جرح نزفه : قصيد
كم كتبني وانا اللي جيت لأجل أكتبه




موضوع مقدم من منتديات ديزاد
منتديات ديزاد باتنة




©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©