موضوع مقدم من منتديات ديزاد
منتديات ديزاد باتنة
خسف بدر الغرام ومات حلمي واندفن بيديك





نصيبي منك لوعات الحنين ووهج نيرانه

يهيج الشوق وتزيد المواجع لا طرى طاريك
عسى الله يسعد القلب الحزين ويبعد أشجانه

عفى الله عنك يا حي جفيت الخلق لجل أرضيك
تنفستك غلا.... وأسكنتك بقلبي وشريانه

نزيه العرض مصيون الكرامه خالقك حاميك
عن درووب الخطيا والنفوس الحره مصانه

كتبت لك القصايد وادري إن الشعر ما يوفيك
حقوقك لو جلبت من البحر دره ومرجانه

 تحسب إني بعد طول المغيبة ..,والجفا ناسيك
جيوش اليأس وسط القلب حلت دون سلوانه

اشمك مع هبوب النود واحضنها وله وابكيك
وأشوفك في بروق الوسمي يوم تلوح فميزانه

شوي.. شوي وتبين الخوافي والزمن ينبيك
عن اسرار الغرام وسيرة الولهان وأحزانه

ياليت الجرح يبرى والهمووم تنوم عن مغليك
ياليت الصبر يشترى واشتري لو غليت أثمانه

وانا البارح بعد ما فاض صدري شوق رحت اشكيك
لبيت,,,, قد ربيتي في فناه وبين جدرانه

على أطلاله وقفت وفاح باركانه عبق ماضيك
حزين ونظرة عيوني على سوره وبيبانه

قبل ما اشكي شكى لي وأستفاضت عبرتي ترثيك
اثر بعض البيوت لشوفة الخلان ولهانه

حجر ويحن اجل وشلون يسلا عاشق يرجيك
قضى عمره على رجوى وصال وشابت اعيانه

وانا يابيت احبك من غلا حي تربى فيك
وطت رجله ترابك وانتت ورده وريحانه

وانا وان ضاق صدري من همومي وجيت لك ناصيك
تفضفض لك عيون من دموع الوجد غرفاانه

على شارعك اوقف واحسب احسابي قبل لا اجيك
اخاف من العذوول وهرج عدواني وعدوانه
,,
,,
مارق لي


موضوع مقدم من منتديات ديزاد
منتديات ديزاد باتنة




©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©