موضوع مقدم من منتديات ديزاد
منتديات ديزاد باتنة
يامالي وقتي زمانك وحققت
ذاك الطموح اللى يعاند سنيني

ياساحر ضيعة مزاجي وروقت
واستكثرت بعض المشاعر رطيني

لاجيت أشيلك في فؤادي تضايقت
لأنك أكبر من فؤادي وعيني

يومي كرهت الناس عقبك توهقت
مدري من اللي عقب حبك يبيني

ماالومها دامك تهامى وفرقت
مابين ديمك والضما في حنيني

عزيتني فى طيب قربك ودنقت
ماهو خجل والخوف قصرت يميني

التيه سلمته مفاتيح ماذقت
واختصرت دروبه مسافات ديني






يم الغمام اللى على عشانه اعتقت
سري .. وملزومي ..وماكان فيني

شوقتنى فى غيبتك ليتك اشتقت
مثلي ولكن .. جد .. أصحى ..تجيني !!!

خل اشتعال الروح ياسم الى احرقت
فى معصمي!! والا عشـــــانك ( جبيني )

هذي مسافة رحلتك يامن اقلقت
كل الحواس وطالبك حاجتيني

أما تغازل لهفتى ضقت أو رقت
والا تســــافر للجــــفا ياخديني

هذا الورق ثابت وانا اللى تشققت
بين الكلام... وبين قلبي... وبيني




راقت لي كثيرآ

موضوع مقدم من منتديات ديزاد
منتديات ديزاد باتنة




©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©