كوافيرات



الكوفيرات

موضوع الكوافيرات قاهرني وودي اتكلم فيه من زمان..
اول شي …بعرض عليكم قائمه الاسعار لبعض الشغلات اللي تتم بالصالون

منيكير 30 بدكير 30
قص شعر حسب الصالون ويتراوح بين 100 ال 250
تسريحه المعدل 200
أحدث طرق مكياج المعدل 200( ليش المعدل ؟ لانه فيه ب 100 وفيه ب 300 )

طبعا هاذي اسعار صالون عادي يوجد باي حي ..وما جبت سيره بعض الصوالين السبشل ولهم قائمه اسعار مثل هاذي بس مضروبه باثنين على الاقل..

تخيلوا هالاسعار الخياليه!! وعلى ايش طيب؟؟
كانه اللي يشتغلون بالصالونات هم من ارقى خريجين معاهد فرنسا .. واغلبهم يتعلمون فينا .

تخيلوا قص الغره بخمسين دينار جزائري؟؟شي فعلا يقهر

وتشقير الحواجب بنفس السعر مع انه علبه المشقر الكبيره من قزاز واللي تشقر الف حاجب بتسعين دينار جزائري بس!!

والحلاوه (معليش سوري بس لازم اقولها) بميتين!!والدعوى كلها مويه وسكر !!ووحده خليجيه (انظر سالفتها بالاسفل) تحلف انها عندهم ما تتعدي عشرين دينار جزائري…

والصبغات وما ادراك ما الصبغات ما في شي باقل من 500 هذا اذا فعلا الوحده بغت شعرها يطلع مصبوغ مثل الناس وباللون اللي يناسبها والشغل يكون مضبوط ..بس ولو غالي .

وفيه بعد الكوافيرات اللي يجون للبيت ومؤهلاتهم اذا وجدت مجرد شهاده من معهد من ديرتها هاذي الله يسلمكم ما تطلع من البيت اللي فيه 3 بنات باقل من الف دينار جزائري..واذا هي كوافيره لبنانيه اضربوا الرقم (بشويش)بخمسه لو سمحتوا…يعني اذا اشتغلت 3 ايام بالاسبوع ولمده شهر مدخولها بحسبه بسيطه 12000 دينار جزائري … واللبنانيه احسبوها انتم !!!!وفي المواسم عاد ما تحصلهم ولازم تاخذ موعد بدري ولا ما لك امل..وتلقاها تتنقل من بيت لبيت ومن العصر لليل شغل وبالشئ الفلاني…

قبل فتره تكلمت بنفس الموضوع مع صديقه كويتيه تعرفت عليها بالانترنت(انظر سالفتها بالاعلى).. تقول :اقص شعري واسشوره مع منيكير وبديكير وتشقير بعشر دنانير بس(100 دينار جزائري )..فرق رهيب بالاسعار وما فيه أي مقارنه !!ليش طيب!!كلنا خليجيين وبنفس الظروف ..

اوكي نجي الحين لردود افعالكم المتوقعه

قد يقول قائل: وراه انتم ما تسوون(جعلكن للكسار يكسركن) كلشي بانفسكم؟؟او كل وحده تسوي لاختها مثلا؟؟من قص (ولزق) وصبغ وشيل وحط ؟؟

فارد عليه انه ما يطلع زي اللي يسوونه في الصالون لانهم هناك مدربات(نصهم متدربات على رووسنا ووجيهنا الله وكيلكم)
وفي بعض البنات ودك تتبرعلهم انهم يروحون للصالون علشان يترتبون لانهم ما يعرفون يزينون شي..يعني المراءه ودها تتزين لزوجها وبنفس الوقت ما تخرب بيت محفظته..والبنت اللي تحب تظهر بمظهر حلو وجميل علشان تحصل زوج مناسب مهوب معناته تفلس ابوها ..


وقد يقول قائل وش دخلنا بهالموضوع حنا رجال وهذا موضوع بناتي؟؟

فاقوله انتم رجالنا ولازم نحطكم بالصوره وتشوفون لنا صرفه بموضوع الغلاء هذا..اسعار خياليه ومبالغ فيها من جد…وبعضكم هو اللي بيدفعها من جيبه او من جيب زوجته اللي تشتغل ..


وحده لون بشرتها حنطي وتبي تصبغ شعرها اشقر!!لا ومن زين الطبايع تأشر على صوره موديل معلقه في الصالون وتقول باعلى صوتها (اموت بالثقه من هالنوع):ابي زي هاللون ونفس قصه الشعر ..طبعا كلنا التفتنا على الصوره وباجراء مقارنه بين الثنتين وبعد تفكير ما طول ثانيه اكيد كل الحريم بالصالون قالوا بقلوبهم بصوت واحد :الحمد الله على نعمه العقل!!!ايش جاب لجاب!!ورحم الله امرؤا عرف قدر شعره ووجهه !!والكوافيره كثر الله خيرها تحاول تقنعها بكل ادب واحترام بانه هاللون ما يناسب لون بشرتها وانه طبيعه شعرها مختلفه (عراده بس الكوافيره ذوق ما تبغى تقولها شعرك عراده بوجهها) وعرضت عليها الوان بنيه وكستنائيه ممكن تناسبها اكثر ..بس مااااااش ما فيه أي فايده سوت اللي تبيه واصبغت اشقر!!للاسف اني رحت قبل لا تغسل الصبغه ..كان نفسي اشوف اللون عليها ..فاتني نص عمري..
واحب بهالمناسبه الكريمه اقول لرجالنا خفوا على حريمكم شوي .. هبلتوا فيهم يا حرام ..واللي قلت قصتها فوق اظنها ضحيه من هالنوع ..لانه كبيره وشكلها متزوجه ..تحسب انها بهاللي سوته تبي تخليه يبطل يشوف فضائيات ..ده بعدك يا شيخه ..وش تتوقعون ردة فعل زوجها بعد ما شافها ؟؟

ايه تذكرت شي بعد..يقولون انه فيه كوافيرين رجال يجون من باريس او لبنان لقص وصبغ وتضبيط بعض شعور السيدات ويتم تسكينهم باحد الفنادق والبنات يروحون عندهم في الفندق او يجيبونهم لبيوتهم.. اعرف ثنتين يسوون كذا وبمعرفه ازواجهم بعد..

وحبيت اقول بعد انه فيه بعض ال ات قمه بالذوق ولهم هوايه التزيين سواء لها ولا لمعارفها ..يا ريت يصقلون هالهوايه بالدراسه بتوفير معهد نسائي متخصص ويعطي شهاده معترف فيها دوليا بهالمجال..وتقدر الوحده تشتغل بالشهاده هاذي ولو بحدود معارفها وصديقاتها اذا ما كانت تحب تشتغل بمشغل والاقربون اولى بالمعروف..وان كان شغلها في احد المشاغل برضو يعتبر عمل شريف لا غبار عليه …

كلمه اخيره .. جمال الوحده تقدر تبرزه باللي يناسبها هي ..وحلو انه المراءه دائما تكون نظيفه (هاذا موضوع ثاني يبيله جلسه والله ) ومعتنيه بشكلها وتعرف اللي يناسبها من اللي ما يناسبها من الوان وقصات وموديلات وغيره ..وان الله جميل يحب الجمال ..ودمتم.
موضوع مقدم من منتديات ديزاد (منتدى الحصريات)


©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©