كملنا فوتنا الباك و ننتظرو في النتيجة وأنا نشوف بللي باه نتلهاو وننساو النتيجة لازم نخممو واش رح نعملو بعد الباك يعني الاختصاص اللي رح نخايروه لأنو بعد ما ننجحو ربي ينجحا الكل ان شاء الله قولو امين قلت بعد ما ننجحو لازم نخايرو حاجة بيها يتحدد مستقبلنا وكل هدا في وقت قصير جدا و أحلامنا تتغير لأننا درك مش كيما قبل رح نعودو واقعيين مش هكا برك و ممكن نتخلوعن أحلام باه نعملو وش يتلائم مع واقعنا أو الواقع يجبرنا نعملو حاجة لهدا لازم نخممو من درك في كل حالة و كل احتمال يعني كل معدل وش نقدر نعمل بيه
في عام 2014 معدل 12,5 شعبة مادة الرياضيات يعمل طب ادا ديت معدل هكا نعمل طب
ادا ما تحصلتش ممكن نعمل كيمياء ومحروقات وادا ما جبتش معدل لهادي نقرا هندسة معمارية و الا نقرا في المدرسة العليا للأساتدة
ما رأيكم أنتم أنا راني نسمع ب اختصاصات ياسر أخرى مثل مهندس احصاء وتخطيط .,الكيمياء و المحروقات أيضا ما عنديش فكرة كبيرة عليها.الهندسة المعماريةو الهندسة المدنية أرجومنكم أن تبدو ارائكم و تفيدونا بماه تعرفوعلى الاختصاصات المدكورة أو حتى اختصاصات أخرى غير مدكورة خاصة اللي فوتو باك مادة الرياضيات أنتم كيما تعرفو المليح في هادي الشعبةأن عندنا الأولوية في اغلب التخصصات العلمية كالطب و الصيدلة و جراحة الأسنان والشعب التقنية ولكن هدا يتطلب في المقابل حاجة صعيبة و اللي هي المعدل و بالمناسبة أي اتجاه تفضلو أنتم العلمي أو التقني و لمادا انا نحب العلمي و نموت على المادة الرياضيات والمادة العلوم الفيزيائية و التكنولوجية و مش قادرة نقرر




©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©