السلام عليكم ورحمة الله تعالى وبركاته
حبيت نحط الوصفة (جزائرية) هذي لأم ريمة لأنها طلبتها مني و لكل الأخوات انشاء الله تعجبكم نبدا على بركة الله

نحتاج كريم شانتي طالعة الكمية اللي تحبي أنا استعملت كاس مع 120 غ بودرة الشانتي
وكريمة بالشوكولا (2 كيسان حليب (شوب كيما اللي في الصورة) + 2 مغارف بومبي مايزينة والسكر حسب الرغبة وملعقة كاكاو من النوع الجيد نحرك جيد ونضع الكل فوق النار حتى تعقد ننزعها ونضيف ملعقة زبدة ونخليها تبرد كيما تبرد زيديلها باطة دانيت بالشوكولا
ونخلطها مع الشانتي

عصير برتقال اي نوع وبسكويت الزبدة
الكريمة الأخرى هي كريمة موسلين قعدتلي كيما استعملتها في قاطو اسبانيول مالا زدتها وجات بنينة هي ماكانش في الوصفة (جزائرية) يمكن الستغناء عنها
نبدا نحط طبقة قاطو وطبقة كريمة حتى ننتهي أنا نستعمل مول ساعات وساعات لالا كيما تحبو

كيما نكمل ندخلها الثلاجة ساعتين أو 3 ساعات نجبدها ونطليها بالشانتي ورشة كاكاو أو زيقزاق شوكولا



ملاحظة ; نقدرو نطلعو الشونتي ديريكت بالكريمة الشوكولا بعدما تبرد نزيديلها الدانيت وبودرة الشانتي ونطربها بالباتور
نديرها كيما نكون مزروبة تجي هايلة تاني ماصورتهاش ولكنها مجربة
صح فطوركم




©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©