موضوع مقدم من منتديات ديزاد
منتديات ديزاد باتنة
هذي الطبخه من طريقتي الخاصه جربتها والحمدلله اعجبت الكتير من الناس اللي اعرفهم واخدوا الوصفه مني وقلت احطها لكم عشان تجربوها


هيا خضار مشكله معموله على الطريقه الصينيه(الكدابه)

المكونات:

ملفوف (كرم) وتعرفون يجي منه لونين الاخضر والموف(الاحمر) ممكن نحط من الاتنين عشان يعطي الطبق لون حلو

2-فلفل رومي(اخضر-احمر-اصفر)

3-زهره(قرنبيط)





4-زنجبيل مبشور قليل
5-جزر مبشور او مقطع بطريقه فنيه
6-بطاطس مقطع مربعات صغيره ...........نقليها ونصفيها من الزيت


طبعا الكميات والمقادير حسب ماتحبو
شرح طريقة طريقة التحضير:

نجيب الصاج ونحط فيه قليل من زيت الزيتون ونحط معاه الملفوف والفلفل الرومي بعض مانقطعو والجزر المبشور والبطاطس
ونغطيه بالغطاء

نسلق القرنبيط الين يلين شوي يعني يصير نص استواء وبعدين نصفيه من لاموية ونحطو مع الخضار الباقيه بعدين نحط الزنجبيل المبشور عشان يعطي ريحه حلوة ونحط البهارات اللي نستخدمها دايما وبدل الملح ناخد ماجي ونذوبها في 3\4 كاسة موية حارة ونصبها على الخضار وبعدين نحط الكاتشب الصيني\الاندونيسي المعروف بـــ(صلصة الصويا)

ونقلبهم مع بعض ونحط الصلصه كتير شوي عشان يعطي اللون الاسمر للخضار والطعم الحلو

وبعدين لين يشرب الموية شوي يعني المرق بيكون ثقيل شوي بعدين نقدمها في طبق وبالصحه والعافيه

ويارب تعجبكم لانها سهله وماتاخد وقت منك

موضوع مقدم من منتديات ديزاد
منتديات ديزاد باتنة




©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©