السلام عليكم يا القافزات وصح رمضانكم

درت البارح les tartelettes salées و حابة تعطيوني رايكم فيهم
بالنسبة للعجينة خدمت la pate brisée
وهذا المقادير:
250 غ فرينة، 150 غ زبدة باردة مقطعة، 1 صفار بيضة، رشة ملح، نصف كاس ماء


خلطي الفرينة والملح و صفار البيضة و الزيدة المقطعة إلى قطع صغيرة حتى تتحصلو على مزيج ، و بعد زيدي الماء بالشوية و حاولي فقط تجمعي بيه العجينة، من بعد حطي العجينة في كيس و خليها ترتاح ربع ساعة في الثلاجة , و بعد حليها مع استعمال الفرينة باش ما تلصقش، من بعد حطيها في les moules و ثقبيها بالفرشيطة باش ما تتنفخش

و بالنسبة للحشو استخدمت la sos tomate وداويتها مليح بالتوابل وزدتلها اللحم المرحي والفرماج rapée
و خرجتلي كيما هك


واش تقولو فيها ؟
وصح فطوركم





©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©