موضوع مقدم من منتديات ديزاد
منتديات ديزاد باتنة
جالسـهـ بيني وبيني

وآتخيّلني معــآهـ ..,

بلا شعور دمّعَت عيني / عَلَي

واستحى منّي / الحَكي

بلا شعور قمت أتمتم للـ سراب

واحكي مع ( هيكل غياب ) :





ماتَعَبت أبكي غيابك

بس تَعَب منّي البكي

ماأبي أبدا بـ عتابك

ماأبي حتى أشتكي

لا ولا بالقلب / شي

بس أبي تعرف ي ظالم

انّك أجرَمت بـ حياتي

إختَفَت فيني المعالم

واصبَح فراقك / مماتي

ميّتـهـ في شكل / حي



,,



بـ خاطري أحكي معاك

ودّي آسولف لا هنت

بس دقيقـهـ

انت تذكر من أنا

والا ناسيني ي إنت ؟

أنا طفلـهـ , مـ كبَرَت إلا عشانك

مالت الدنيا عليها

وانت مع هالدنيا / مِلت

أنا وَحدهـ , كانت بـ عينك ( كثيــر )






أنا وِحدهـ , بـ أوّل الفصل الأخير ..!

أنا / انت

كيف تنساني ي إنت ؟


مانسيت ؟

ايـهـ أشوا

أحسب انّك ماوفيت

حتى لـ الذكرى / جَحَدت

امممممم

مدري وش ودّي أقول

شفت عينك , واستحيت

ممكن إتناظر هنآآآآآآآك

والتفت لي لا إنتهيت


يا صديقي

امممم , بس دقيقـهـ

حلوهـ كلمة ( ياصديقي ) ؟

والا مو حلوهـ ؟

تكلّم ....!

ماقدرت أهمس : حبيبي

وماقدرت أنطق بـ إسمك

إسمك اللي من رَحَلت , وانا أشهَق بـهـ , واموت !

إسمك اللي من رَحَلت , وهو معي صور 2014هـ وصوت !

إسمك اللي لاندَهت غيرك أغلَط بـهـ , ( بدر )

إسمك اللي لاسَرَحت , قمت أتمتم بـهـ بـ خفووووت


يالله نرجع للحديث

ايـهـ وش كنّا نقول ؟؟؟

كنت أقول : ياصديقي

ماتغيّرت بـ غيابك

بس كبَرت وشاب قلبي

ماتكدّرت بـ غيابك

بس وِقَفت بـ نص دربي

ياصديقي

ياللي ضيقك , نفس ضيقي

ياللي لامن شفت وجهك

أبتِسِم لـهـ , واستريــــــــح

ياللي لامن قال : أحبك

أتهاوى بـهـ , واطـيـــــــــح

ماعلينا

وش لنا والذكرى هذي ؟!

قل لي وش آخر علومك

كيف تقضي الحين يومك ؟!

انت في دنياك راضي

والا متعكّر مزاجك ؟؟

يؤ نسيت ...,

انت فاضي ؟؟؟؟؟؟؟

والا مشغول , وشَغَلتك ؟!

آسفـهـ جداً صديقي

من البدايـهـ ماسألتِك ..!


بس خلاص

مابي أشغلك بـ سوالف

حتى لو انّي أبيك

خلّنا من هالـعــــواطف

وبس سلّم لي عليــــك





هيومه

موضوع مقدم من منتديات ديزاد
منتديات ديزاد باتنة




©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©