موضوع مقدم من منتديات ديزاد
منتديات ديزاد باتنة
]*·~-.¸¸,.-~*صوتك يدفيني*·~-.¸¸,.-~*










يثيرني صوتك الهادي ويغريني
أهيم وأرحل وأسافر في مساحاته

يجتاح قلبي ويسري في شراييني
وينسى خفوقي على صوتك معاناته

تدري حبيبي ترى صوتك يدفيني
زعلان . راضي . يدفي بــكل حالاته

سولف وضيع معك أجمل عناويني
مافيه غيرك عسل حرفه على شفاته

يهدمني الصوت كل مره ويبنيني
ويعيش عمري قبل تشرف نهاياته

في الحب كلي معك سلمتك يديني
وأنا الهوى دارسه وأفهم بلهجاته

فداك روحي وعلى كيفك توديني
ماأقول دربك حبيبي وين وجهاته

خذني من الليل بأحضانك وداريني
بتظاهر الخوف من ليلي وعتماته

أهتم فيني بعد عمري وغطيني
الناس ماتدري عن العاشق ونياته

بين الغزل و تحلاب والوله والشوق خبيني
عن التعب والسهر والجرح وأهاته

العذر واضح ولو ماعاد يمديني
تشفع براءة طفل عظيم غلطاته

وأن حس قلبي حنانك إلتفت فيني
وتشوف واحد كلامه وسط نظراته

أحكي لك الحزن والحرمان وسنيني
وبتعيش غربة مسافر من بداياته

تلقى الفقر مع جحود الوقت حاديني
على السفر والشقا همه وغاياته

يأخذني الهم وفي النسيان يرميني
يعني مصيره أسيره حسب رغباته

حتى الشعر أكتبه والحرف يبكيني
يصور 2014 ظروف شاعر ضاع في ذاته

ركز بضحكة شفاتي وناظر بعيني
وجهي يلحف شقا عمري بضحكاته

ياليتني كنت أعرفك قبل تأتيني
ماكان عمري تعب من كثر زلاته

في عالم الحب قربك مني يغنيني
والله في قلبي غلاتك كثر دقاته

أحساس روحك من جروحي يداويني
يا أجمل عطايا الزمن وآخر محطاته

أحلف لي أن ضاق صدري ماتخليني
وأنا خفوقي معك تربح خساراته

أهواك أحبك وكلك حيل تغريني
من طيب قلبك إلى صوتك وهمساته

موضوع مقدم من منتديات ديزاد
منتديات ديزاد باتنة




©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©