السلام عليكم

بعد غياب نتع شهرين ونص يعني 1 جانفي -->15 مارس راني رجعت اليوم خلصت الانترنت وصدقوني ككنت رايح نخلصها حكمتني الرعشة قلت نخاف نخلصها ونفلس معاها في هاد العطلة بصح لازملها كوراج وخلاص

فات عليا الفصل الثاني وما فقتش بيه .الضغط بديت نحسوو يزيد عليا surtou ليسسي نتاعنا راه روطار على الليسات لوحرين مالقري رانا نقراو نورمال وما راطيناش الايام عير نتع الاضراب
العلوم رانا في النشاط 4 في النقل المشبكي
الفزياء لبارح كملنا الوحدة 4 نع ph
المادة الرياضيات ليا 3 ايام ملي دخلنا للاعداد المركبة
المادة الاجتماعيات رانا في رد فعل فرنسا على العمل المسلح
الفلسفة رانا في العلوم البيولوجية

واله تعبنا من ليكووور بصح الله غالب ماتقدرش تخليه لخطراكش لازمين ودرووس المدرسة وحدهم ميكفوووش نقرا كل يوم في ليكور غير الجمعة والسبت لعشية


ونقاطي في هاد الفصل
المادة الرياضيات 10
العلوم 15.5
الفزياء مازال
الاسلامية 12
المادة الفرنسية 11.5
الانجلزية 10.5
المادة الاجتماعيات 17
الادب مازال

والمعدلات نشالله بعد العطلة

والله حب نقتل روووحي في هاد العطلة وندرك بعد الصلاة ندير جدول اللمراجعة شاملة وتبانلي ندير في اليوم مادة علمية وفي الليل مادة ادبية سورتوو ع القرايا نتع المدرسة في السمانة الاولى

ونتوماا كيف خباركم ؟ الورال نتاعكم ؟




©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©