بسم الله الرحمن الرحيم




أهلا بيكم في موضوعي لليوم

مقروظ صغير كيما لي يتباع لان كاين بزاف لي ما يحبوش يشريوه من برا من قلة النظافة صراحة ، جبتلكم وصفته جربوه وبإذن الله يعجبكم ساهل مايطلبش وقت

نخليكم مع المقادير البسيطة

نعطيكم المقادير الصحيحة انا درت ثلث الكمية

1 كأس ونصف فرينة
1 كأس ونصف سميد عادي
1 م ك سكر
رشة ملح
باكي خميرة الحلوى
3/4 كاس زيت
3/4 مخلط بين ماء + ماء زهر


الطريقةسهلة حطي المكونات الجافة حطيلهم الزيت بسسيهم + الماء والماء زهر ولميه بالماء لي عندك في المقادير ودخليه في بعضاه مليح




وخليه يرتاح لمدة ســـــــــــــــــاعة كاملة في درجة حرارة الغرفة

وتبلي الغرس نتاعك ديريلو ماء زهر واعجني مليييح + الجلجلان + شوي قرفة حسب الحاجةواعجنيه حتى يتخلط ملييح

الآن اخدميه عادي كيما المقروظ


واخدميه حربوش يكون رقيق شوي ومن بعد راح يطوال ومتقدريش تتحكمي فيه لذلك اقسميه على اثنين




كي تقسميه على اثنين زيدي رققيه وقطعيه قطع صغيييرة وحطيهم في UN PLAT


اقليهم في زيت سخون حتى يحماروا وعسليهم مباشرة وقدميهم
بالصحة والهناء





دمتم في حفظ المولـــــــى
أيام مباركة






©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©