موضوع مقدم من منتديات ديزاد
منتديات ديزاد باتنة
عقبك هجرت الدار والحي والسوق ...






. . .




سافر معك قلبٍ تعب يكتم الشوق ... يومك حكمتي بالجفا والجفا ليه
قلبي بحكمك والبلا صار مدقوق ... عده بنجرٍ صاحبه ما يخليه
تدرين بي عزة ولا ني بمطفوق ... وصعبٍ اجي من هو تقفاني وارجيه
ماهو بكيفي مير هو طبع مخلوق ... طبعٍ بلا قلبي وطبعٍ معنيه
عقبك سرقت النوم يازين بسروق ... والزاد كله عقب عينك مجافيه
عقبك هجرت الدار والحي والسوق ... وعقبك خذيت امشي بكل درب مابيه
عقبك كتبتك يالشقا بكل طاروق ... ودمعي تلا دربي ونا دوم امحيه
يام الحلا والزين ياحلوة الذوق ... عقبك خليلك ماهو اللي تركتيه
قدمت لك حبٍّ ولاهو بمسبوق ... حبٍّ غدا بي وسط عسر المتاييه
حبٍّ حشا ماياصله حب مخلوق ... حبٍّ يجهِّل من عرف ثم يوريه
واليوم رديتي علي رد مصفوق ... ما ظنتي رد الجفا من معانيه
اليا فعلت الفعل يتلاه ملحوق ... ولزما ترد الفعل فعلٍ يساويه
يازين ردك بالجفا خالف الذوق ... وشلون تجفا من تحبه وتغليه
مدري خطاي بزود حب اعتلى فوق ... ولاَّ اني ارضى بقولته واجتنب ليه
ماخنتك بعمري ونا شوفك تبوق ... وحتى العلوم اردها للمشاريه
رديت هرج الناس والهرج موثوق ... كله لجل حبٍّ تبيعه ونا اشريه
خذيت مر الحب والقلب مرهوق ... ومديت لك بكل الايام صافيه
كنتي بقلبي درةٍ وسط صندوق ... مايلحقه شكٍّ ولا الشك مبديه
يازين ارجع دامِ بالحب مشفوق ... ارجع قبل لانساه وارمي لياليه
بالحب دومٍ باب الاعذار مدلوق ... فارجع قبل يومٍ تغير معانيه


مما راق لي

موضوع مقدم من منتديات ديزاد
منتديات ديزاد باتنة




©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©