السلام عليكم و رحمة الله تعالى و بركاته أخواتي الكريمات
بعد غياب طويل رجعت بطبق مشهووووووووووور في ولاية بسكرة-إن لم نقل في كامل ربوع الوطن- اللي هو الدوبارة البسكرية
المقادير و طريقة التحضير:
رنخي كيلو فول يابس من النوع الرفيع 24ساعة و طيبيه مليح في الماء و الملح و خليه بجيه، حضري في صحن رطل طماطم حب مقطعة رقيقة مع فلفل حار حسب الذوق (كيما تحبي) مقطع رقيق مع راس ثوم مهرس، ملح، و التوابل الخاصة بالدوبارة(كسبر، قنطس، جوزة الطيب، زريعة البسباس، كروية، حبة حلاوة...هاذو اللي نعرفهم أنا نشريها واجدة) زيدي 2 مغارف كبار طماطم علب مع 2 مغارف هريسة(للي يحب الحار) و خلطي كلش في الفول (مع الماء اللي طاب فيه) و زيديلو مغارف زيت الزيتون و ربطة دبشة مقطعة و عصير القارص.
شهية طيبة
ملاحظة: الصور ماهيش حاضرة في الوقت الحالي غير نوجدهم نحطهم تشوفوهم





©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©