موضوع مقدم من منتديات ديزاد
منتديات ديزاد باتنة
التجربه الناجحه اللي اتولدت من المعاناة

كنت عامله خلطه من زيت السمسم على زيت الخروع الوصفه السحريه للرموش
قلت طب ما الشعر ابن عم الرموش طب ادهن كل يوم على الحتت الفاضيه اللي هي القرعه بس اللفظ ده تقيل قوي على نفسي المهم بقيت كل يوم قبل ما انام اوكل يومين قبل ما انام ادهن من قدام على الحتت الخفيفه وكنت بعمل كده كتجربه لنفسي وقلت مش هزهق هاصبر عليها اهم حاجه الصبر
في الاول هسيت ان القرعه زادت بس وبقيت اشك يا ترى الشعر الصغير ده طالع والا نازل يعني نابت جديد والا بيقع وكان جوايا صبر غريب وكملت لحد لما حسيت ان الحتت الفاضيه اللي كنت بداريها وانا بسرح ابتدت تختفي او تقل واتاكدت لما قشركة ابلت اختي وقالتلى وسالتني وهي مخضوضه امال فين قرعتك؟؟؟
وواحده تانيه قريبتي برده لقيتها بتقوللي انتي عملتي ايه ومليتي الحتت الفاضيه جريت على المرايه بصيت بجد لقيت شعر صغير طالع
جريت على الازازه وزودت عليها شوية زيت جرجير وما زالت التجربه مستمره ومش هاسيبها اصلها حاجه ببلاش كده
على فكره يا جماعه انا لما لقيت تجربة الزيوت ناجحه كده عملت ازازه كبيره من مجموعة الزيوت اللي وصفتها الدكتوره مريم وهم سمسم و زيتون وخروع وحبة البركه وتركت الكريمات بتاعت ىالتصفيف لانها باختصار مفهاش فايده الفايده كلها في الزيوت وده انا عرفته بنفسي عن تجربه وبقيت بعد الشاور ادهن شعري منها والفروه نفسها اعملها ماساج منها واسيبها عادي لحد الشاور اللي بعده





وفظيعه بطري الشعر بطريقه مذهله والله

حتى انا كان شعري بيقع جامد جبت امبولات ايفا تحفففففففففففففففففه بالصبار بتوقف التساقط بس خلت شعري سلك مواعين وانا مش ناويه اسيبها لاني سمعت برده انها بتنبت الشعر مع الاستمرار امبارح حطيتها ودهنت راسي بعدها بمجموعة الزيوت دي والله طريييييييييييييييييييييييي خالص وبقى جميل

على فكره يا جماعه انا افتكرت حاجه مهمه انا لاحظتها
اني انا لما كنت بحط الخروع والسمسم من قدام على القصه لاحظت ان القصه حتى اختلفت الشعر بقى مختلف فيها عن بقيت شعري بقت مفروده قوي وناعمه وعامله زي ما يكون مكويه بصراحه الخلاصه ان الخروع والسمسم دول سحرررررررررررررررر

على فكره يا جماعه استعملوا زيوت الكابتن الطبيه اللي في ازايز صغيره فرق جامد بينها وبين الزيوت السايبه


موضوع مقدم من منتديات ديزاد
منتديات ديزاد باتنة




©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©