موضوع مقدم من منتديات ديزاد
منتديات ديزاد باتنة






ياصاحبي وينك لفت ضيقة البال

انت الوحيد اللي تعز الصداقه

ياصاحبي صكت على صدري جبال

اشيلها والصبر مرٍ مذاقه

تعال شوف الوقت وشلون ميّال

ماعاد لي في دفع الاحزان طاقه

اتعب واغنيها على كل موال

واشوف بحر الخوف يلمع زراقه






واقول بكرا يمكن تزين الاحوال

لكن هذا الحظ مكسور ساقه

افك قلبي واشتكي لك عن الحال

والقاك اعز من الاخو والرفاقه

انثر همومي بين جيّه وترحال

وانته تجمعني بذوق واناقه

دايم اشوفك صادق بكل الافعال

نعم الصديق ونعم صدق العلاقه

ياصاحبي افديك بالروح والمال

واهديك من بستان الاعماق باقه

يقصر زمن ولا يكون الزمن طال

انا خويك لو يجوّد وثاقه

الصحبه اللي مالها قدر واجلال

تسقط ويسقط اسمها بالبطاقه



موضوع مقدم من منتديات ديزاد
منتديات ديزاد باتنة




©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©