السلام عليكم ورحمة الله وبركاته
عودة من جديد للوصفات جزائرية التقليدية والمحبوبة لدى الجميع
محجوبة الشحمة او كسرة الشحمة او مطلوع الشحمة تحضر بطرق مختلفة اساسها عجين وحشوها شحم متبل
ايكم طريقتي في تحضير الشحم اولا حتى يعطيكم نتيجة راائعة وبعدها نحضر بيه خبز الشحم المورق
نبدا على بركة الله
هذا شحم نتاع خروف بعد ما ملحناه ويبسناه



نحطه في قدر على نار هادئة جداااا باه ما يتحرقش كي يذوب ويتغير لونه وكل ما تذوب كمية قليلة نسكبها في اناء اينوكس باستعمال صفاية اكيد



وهكذا حتى تذوب كامل الشحمة والباقي راح يكون على شكل كتل صغيرة نرميه



نحضر التوابل ولازم كمية معتبرة باه تجي بنينة
طماطم مصبرة + هريسة + ثوم + فلفل حار مقطع رقيق + كسبر ومعدنوس مقطعين + ملح وتوابل



نخلطهم جميعا مع الشحم الذايب



ونخليه يبرد مليح ثم نقسمه قطع





نضعها في اكياس ونحتفظ بها في الكونجيلاتور



هنا راح نحضر محجوبة الشحمة
نخرج قطعة ونذوبها على نار ضعيفة



يمكنك اضافة الطماطم والهريسة



نحضر عجين مثل نتاع الشخشوخة



نقرص الاولى وندهنها



نضع فوقها القرصة الثانية وندهنها



ونغطيهم بالثالثة



نقرصها ونطيبها على طاجين حديد





وهاهي





وتقدروا تحضروها كسرة او مطلوع

اتمنى الموضوع يكون افادكم وعجبكم
سلامي للجمييييع




©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©