السلام عليكم
كيف حالكم غالياتي نتمنى راكم كامل بخير
راني رجعت بعد غياب قصير وجبتلكم وصفة (جزائرية) جديدة للقريوش وبشكل جديد روعة نتمنى ينال اعجابكم
المقادير:
الكيلة المستعملة هي كاس نتاع 250مل
3كيلات فرينة
نصف كيلة نشاء
نصف كيلة سمن ذايب وبارد
صفار بيضة
رشة ملح،فاني ،م ص خميرة الحلوى
ماء+ماء الزهر
عسل وجلجلانية للتزيين
الطريقة:
نحط الفرينة مع النشاء ورشة ملح والفاني والخميرة والسمن الذايب والبارد ونفرك جيدا باليد ثم نضيف صفار البيضة ونفرك ومن الاحسن نسير الخليط في السيار هكذا نتاكدو ان ماكانش تكتلات وبعدها نلمها بالماء وماء الزهر حتى نتحصل على عجينة متماسكة نشكلها كويرات ونغطيها ونخليها ترتاح
http://http://up.top4top.net/uploads/2014/0...619750d841.jpg
ناخذ كويرة نبسطها بالحلال ونرققها في الماشينة حتى الرقم ما قبل الاخير ومرة على مرة نرش شوية فقط من النشاء
http://http://up.top4top.net/uploads/2014/0...9a2e67bdf1.jpg
نطبقها كيما نعملو في العجينة المورقةالصور توضح اكثر
http://http://up.top4top.net/uploads/2014/0...3afa2b29a1.jpg
http://http://up.top4top.net/uploads/2014/0...5539b1cf01.jpg
ونعاود نفوتها في الماشينة ونكرر نفس العملية وهذا لي يخلي القريوش مورق ويذوب في الفم
بعد ما نرققها نقطع بالجرارة مستطيلات كبار انا عملت العرض12سم ونقطع 24 خط بالجرارة ما تخلعوش هههههههhttp://www.dzbatna.com/images/smilies/biggrin.gif
http://http://up.top4top.net/uploads/2014/0...5db2a8c031.jpg
بعدها نحسب4 خطوط ونطبق
http://http://up.top4top.net/uploads/2014/0...f8870313b1.jpg
ونكمل نحسب 4 خطوط ونطبق حتى نكمل ونتحصل على هذا الشكل
http://http://up.top4top.net/uploads/2014/0...fd4828e551.jpg
نفتحها شوية في المنتصف
http://http://up.top4top.net/uploads/2014/0...197fdf1cf1.jpg
ونقلب من الجهة العلوية فقط كما في الصورة
http://http://up.top4top.net/uploads/2014/0...1becc953d1.jpg
http://http://up.top4top.net/uploads/2014/0...65b064ce71.jpg
راح نتحصل على هذا الشكل هذي الطريقة الاولى
اما الطريقة الثانية
نطبق المستطيل على اثنان
http://http://up.top4top.net/uploads/2014/0...6f911b3991.jpg
ثم نعاود نطبقو على اثنان ونعاود مرة ثالثة حتى نتحصل على الشكل السابق ونشكلو بنفس الخطوات
وكل ما نشكل حبة نغطيها حتى نكمل العجينة
بعدها نقليهم في زيت يكون سخون مليح والنار ناقصة ونقلي بالحبة وكل مانحط حبة نرمي عليها الزيت بالملعقة باه تتنفخ شوفو شكلها ما احلاه
http://http://up.top4top.net/uploads/2014/0...ed882dc871.jpg
بعدها نحطهم يقطرو ويبردو ثم نعسلهم في عسل مسخن مع شوية ماء الزهر لازم يكون ثقيل شوية باه القريوش يبقى مقرمش ونزين بالجلجلانية محمصة
http://http://up.top4top.net/uploads/2014/0...9f4a1d7151.jpg
شوفو شكلو رااائع والذوق اممممممممم
http://http://up.top4top.net/uploads/2014/0...09ae3efba1.jpg
نتمنى يعجبكم ونشوف تطبيقاتكم
لاتنسوني غالياتي من صالح الدعاء ولكن بالمثل
في امان الله
https://fbcdn-sphotos-d-a.akamaihd.n...93518507_n.png
©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©