مطلوع البيترا

بعد تجارب كثيرة ومغامرات وبحوث ههههههههههه زعم النازا ههههه المهم خرجت بافكار ومعلومات راح تفيد الاخوات اللي عندهم البيترا واللي ناوين يشرو غير يزربو وماننساش نشكر كل اخت دخلت موضوعها وشفت طريقتها في العجن وخاصة الاخت الوهرانية الاساس تاع المطلوع هو انتاعها

اولا نحط الدقيق + الفرينة + السكر + الملح والسانوج + الخميرة نصيحتي ماتكثروش دوقى الخميرة راهو سخون الحال وزيد الخميرة الرقيقة اللي نستعملوه فورية ثم ثم تطلع عجينها ونبلوكلش بالماء الدافئ ملازمش يكون سخون بزاف ولا بارد مهم جدا وبعدها نلمو عجين انتاعنا بلامنعجنو ونجيبو ساشي ونبلوه بالماء ونحطو فيه العجين هذي طريقة الوهرانية ونخلوه في بلصة دافية وروحي ديري شغالك اما الوقت كيما تحبي من نص ساعة وطلع راح تشوفي عجينك طلع خفاف اهنا ديريه في البيترا وابدا تعجني وعلى بالك على الاول سرعة بطيئة وبداي تزيدي في الماء غير بشوي ومنبعد حطي السرعة في رقم 2 ماتفوتيهش حبسي البيترا ومسي عجينك اذا كافيه الماء كان بيها واذا شفتيه ناقص زيدي اعجنيه مليح حوالي 5 د والحمد لله كلش مليح خلي عجينك شوي يريح هذا مهم في عجين البيترا لانو راح يكون سخون وابعد مايريح ابداي تقرصي انا ندير شوي زيت في يدي ونحل عجيني في منشفة مذري فوقها الفرينة شحال كتبت 00000000000 المهم الملاحظة المهمة كيما قتلك على الاول الخميرة راهي ثم ثم تطلع كيتغطي الخبزات انتاوعك حطي الطاجين يسخ وابداي تطيبي وان شاء الله فدتكم واللي عندها عفسى مليحة تزيد تفيدنا وربي يكملنا الكل

http://up.hawahome.com/uploads/13479647481.jpg


هنا في الطاجين واووووووووووووو على الفقاقيع


http://up.hawahome.com/uploads/13479647485.jpg


هنا قلبتها

حقى نسيت نقلكم ديرو سنيوة فوق الكسرة كيتحطوها في الطاجين راهي تنفشهالكم مليح وحتى هذي فكرة الوهرانية


http://up.hawahome.com/uploads/13479647482.jpg


http://up.hawahome.com/uploads/13479647483.jpg



ان شاء وفقت في المعلومة واي سؤال راني هنا وحظ موفق



https://fbcdn-sphotos-d-a.akamaihd.n...93518507_n.png
©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©