صـــــــــارحيـــــــني...
صارحيني وانثري حبّك حروف
سطريها في صحايف من ذهب
إعلنيها دون خوف أو كسوف
بلّغيها للملا عَجْمُ وْ عَرب
قوليَ آحبك على كلّ الظروف
وافيٍ عهدي ولاني من كذب
وابشري بالعزّ في كلّ الصّروف
ياهناة الرّوح.. لي عندك طلب ؟
دَثِّرِيني وسط حضنك يالهَنُوف
زَمِّليني بين رمشك و الهدب
إطربيني بهمس قلبٍ لي شغوف
في وجودي كلّ وقته في طرب
اطعميني من شَهَد حبّك رشوف
زيدي اشواقي لهيب في لهب
حرّكي جذع المشاعر يالعطوف
تسقط ثمار المحبّه كالرطب
جيت انا وانتي على الدنيا ضيوف
أجتمعنا والهوى كان السبب
لو تبي روحي تراها ع الكفوف
رهن حبّك والغلا فيها وجب
أشهد انّك في الملا مالك وصوف
من تباشير الحسن شفت العجب
مثل زينك لا حشا مقدر أشوف
الوفا كمّل جمالك والأدب
https://fbcdn-sphotos-d-a.akamaihd.n...93518507_n.png
©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©
